Мандатни казни од по 50 евра во последните два месеца Комуналната испекција му изрекла на 95 возачи кои своите автомобили ги паркирале несоодветно, а најголемиот дел од нив по тротоарите и тревните површини на Офицерски дом.

Жестоки реакции  на социјалните мрежи предизвика  веста што ја објави апла.мк дека малолетници во алкохолизирана состојба, возејќи скутер со огрмна брзина на Шеталиште, прегазија куче кое мирно спиело. Бараат да се казнат малолетниците, затоа што, велат,  доколку не се санкционира ваквото однесување, тоа создава поголеми проблеми и несреќи во иднина. Граѓаните вината ја лоцираат во органите на прогонот, но и кај родителите, затоа што децата биле надвор и без контрола во 3 часот по полноќ, а се однесувале недолично, но и опасно.