Мрша од коњ речиси неколку недели стои во канал во населбата Бадембалари во Битола. Жителите од околните куќи крајно вознемирени велат дека се шири неподнослива реа, но што е уште пострашно  е извор на зараза бидејќи над мршата често има кучиња скитници кои растргнуваат од месото на пцовисаното животно. Каналот кој е изграден за заштита од поплави е претворен во дива депонија и сериозно  ја загрозува безбедноста и здравјето на нашите деца се жалат жители од улиците „Девејани“ и „11-та улица“. Жителите бараат помош од јавните претпријатија со механизација да ја отстранат мршата и да го исчистат ѓубрето од каналот.