Оригинални фотографии од изложбата „Конзулска Битола од првиот Австриски конзулат до Првата светска војна“ отворена во битолски Завод и музеј во организација на Амбасадата на Република Австрија во Македонија, Почесниот австриски конзулат во Битола и Општина Битола..

 Битола деновиве е домаќи на VII FUTURA Регионален Moot Court натпревар за симулација на судски процеси пред Европскиот суд за човекови права во организација на CIVIL RIGHTS DEFENDERS. На натпреварот учество зедоа осум екипи од Правните факултети од регионот (Битола, Штип, Крагујевац, Бања Лука, Мостар, Зеница, Тузла и Витез).

Битолчанката Марија Станковска на социјалните мрежи го промовираше нејзиниот нов шпански кавер на популарната песна „La Cintura“ од Alvaro Soler. Во нејзината 18 годишна кариера може да се пофали со неколку авторски песни, спотови, соработки со други изведувачи и неколку кавери на популарни песни. На прашањето зошто шпанска песна Марија ќе каже: „Го сакам шпанскиот јазик уште од мала, долго време чекав момент кога и како да го истакнам преку музика, бидејќи најмногу се пронаоѓам во шпанската музика, тоа е моја љубов уште од дете’’. Шпанскиот кавер е снимен во Гимел Студио од Битола.

Границите и политиката го делеле народот, а манастирот Свети Илија подигнат меѓу битолското село Драгош и леринското Опсирани (Етникон) го обединувал. Мештаните раскажуваат кога тука не минувале граници тој бил храм на двете села, а верниците заеднички го славеле Илинден. По Балканските војни се поставила граница која во прво време го пресекла манастирот на пола, за што сведочи и зачуваниот граничен камен.

Вработените од Јавното претпријатие „Стрежево“ од Битола на своите сограѓани им го честитаат празникот 11 Октомври, Денот на народното востание на македонскиот народ. 

ЕЛЕМ и РЕК „Битола“ на своите вработени и сите граѓани на Република Македонија им го честитаат 11 Октомври, Денот на народното востание на македонскиот народ. .

„Пратениците во Собранието сме исправени пред една од најголемите историски одлуки кои Македонија ги има откако е самостојна, а пак доказот ни го дадоа граѓаните. Гарѓаните на 30 септември јасно кажаа и ни порачаа дека сакаат Република Македонија да ја видат во ЕУ и НАТО прифајќајќи го договорот потпишан со Грција. Оттаму јас верувам , уверен сум дека мнозинството пратеници, 80 од нив минимум, и оние од СДСМ, и оние од ВМРО-ДПМНЕ и оние кои се од другите политички партии се на линија на обврската и одговорноста и дека во клучниот момент кога овие предлог измени ќе бидат на Пленарната седница ќе гласаат за неопходните измени се со цел на идните генерации да им обезбедиме иднина во НАТО и ЕУ“.

Раскинат е договорот меѓу Клиничката болница од Битола и фирмата „Градски паркинзи“ за стопансување со паркинг местата во кругот на Болницата. Од Клиничката болница соопштија дека во најбрз можен рок паркингот ќе го превземат во целост.

„Сакаме да ги замолиме нашите пациенти за поддршка и разбирање за метежот кој би можел да настани во следниот период со паркирање на автомобилите во дворот на болницата. Стручен тим од болницата многу бргу ќе го превземи паркингот и ќе го стави во владение со што ќе се воспостави ред со паркирањето“, соопшти портпаролката на Болницата, Сузана Конеска.

Болницата планира да го поправи и преасфалтира дворот пред установата.

Од Клиничката болница уште пред неколку месеци се пожалија на концесионерот поради неисполнување на обврските по договорот за одржување на пристапните патеки до паркинг местата во кругот на болницата.