Битолчани викендов побегнаа од загадениот воздух  искачувајќи се на Пелистер. На паркиралиштата пред Информативниот центар и хотелот Молика немаше слободно место од паркирани возила. Коли имаше паркирано дури и по патот. 

На 8 годишна возраст Филип Чокузовски сокаше по светиот крст во битолското село Трн. Ни студот не го исплаши малиот Филип да учествува во обредот што се одржа во базенот во црквата Св. Никола во Трн. По крстот скокаа три момчиња, а среќа да го најди имаше Благојче Гулевски. Во Трн денес живеат помалку од стотина жители.

Пратеникот од ВМРО-ДПМНЕ, Влатко Ѓорчев денешниот христијански празник Водици го прослави во Битола, присуствувајќи на традиционалното фрлање на светот крст во храмот „Свети Димитрија“.

„Денешниот празник Водици во Битола кажаува дека македонскиот народ е силно приврзан кон своите традициите, дека силно ги почитува и дека е поврзан за верата. Нека е за многу години, Бог се јави, нека донесе, мир,берикет и среќа до сите наши домови“, порача Ѓорчев.

Денешниот голем христијански празник Богојавление –Водици со себе ја носи симболиката на повторното раѓање, новите почетоци и ја испраќа пораката на заедништво, меѓусебно почитување и помагање, порача пратеникот и генерален секретар на СДСМ, Александар Кирацовски кој денес присуствуваше на богослужбата во црквата Свети Димитрија во својот роден град Битола и на традиционалното фралање на крстот.

И девојка денес скокаше по светиот крст во базенот кај црквата Свети Димитрија во Битола. Со години ова беше само машка традиција, а Ана покажа дека и девојките можат да учествуваат рамноправно во церемонијата. Таа беше единствената девојка меѓу триесетемина машки кои скокнаа во базенот..

Могилчанецот Стефан Сакурмовски го фати светиот крст што во водите на река Шемница го фрли отецот Славе Петровски по повод големиот христијански празник Водици.

„Ова за мене е голема радост, светиот крст значи здравје, љубов и голем бериќет“, рече Сакурмовски.

Тој по крстот скокаше заедно со дваесетина други мажи во реката која беше замрзната, па за да се направи обичајот, претходно го имаа искршено мразот во делот каде што се фрли крстот. 

„Традиционално тука крстот се фрла во водите на река Шемница без разлика колку и да е студено. Јас 24 години го фрлам крстот, отсекогаш во реката, не паметам да сум го фрлил во базен. Овој голем христијански празник им о честитам на сите верници и сакам да му посакам на среќникот кој го фати крстот здравје, среќа, бериќет. За многу години да е, нека ни е честита славата“, рече попот Славе Петровски.

На церемонијата присуствуваа над двесте могилчани и верници од други места, како и градоначалничката Јасмина Гулевска. Од Општината соопштија дека во 15 населени места каде што се фрлаше крстот на територијата на што ја зафајќа општина Могила, со одука на Совет и програмата за култура, за Водици доделкуваат ваучер со 5000 денари и по една икона за сите оние што ќе имаат среќа да го фатат крстот.

Могила празникот Водици го одбележа право со лицитација на икони во црквата „Св. Архангел Михаил“, каде поголема група верници имаа можност да лицитираат и купат икони. Потоа, верниците со литија и пеејќи стари водичарски песни се упатија кон реката Шемница каде се одржа традиционалното фрлање на светиот крст.

22 годишниотЈове Стојчевски од Битола успеа да го фати светиот крст што владиката Петар на големиот христијански празник Водици го фрли во базенот во храмот Св. Димитрија во Битола. Момчето по петти пат скокаше по крстот и годинава имаше среќа да го фати.

,,Пет пати сум скокал по крстот, годинава за првпат успеав да го фатам. Се надевам дека годината ќе ми биде мнигу среќна", рече Стојчевски. 

Во зимски услови,лизгавите тротоари и коловозни ленти се најчестите фактори кои влијаат на безбедноста на пешаците ,па во овој период од годината ,има чести случаи на повредени лица -пешаци и лица учесници во сообраќајни незгоди, велат од СВР, па ги почитуваат следните совети :

-РОДИТЕЛИТЕ И УЧЕНИЦИТЕ НА ПОЧЕТОКОТ НА ВТОРОТО ПОЛУГОДИЕ ОД УЧЕБНАТА 2018/2019 ГОДИНА, ПОВЕЌЕ ДА ВНИМАВААТ И БЕЗБЕДНО ДА СЕ ДВИЖАТ ПО НАЈБЕЗБЕДНИОТ ПАТ ОД ДОМОТ ДО УЧИЛИШТАТА И НАЗАД ВО ОВИЕ ЗИМСКИ УСЛОВИ .

Грчките државјани, посебно оние од северот или Егејска Македонија, како локум го купуваат македонскиот грав, вели земјоделецот Фикри Ќулафи, еден од најголемите производители на грав во битолските села Велушина и Острец. Тој годишно продава околу 2000 килограми македонски грав за Грција. Тоа е над 30 проценти од количините грав што на годишно ниво заминуваат за Грција од пограничните села Велушина, Граешница, Острец и Кишава, а се проценуваат на шест тони. Со оглед на тоа дека овие села се оддалечени само на неколку километри од границата, грчките државјани гравот им го купуваат на земјоделците буквално од пред куќа.

 -Доаѓааат Грци од дома ми го креваат. Тие што купиле еднаш повторно се враќаат. Им давам по еден килограм за проба, а потоа секогаш се враќаат по повеќе. Го бендисуваат гравот. Едно семејство купува по 50, 60 килограми годишно. Повеќе од половина од производството заминува за Грција зашто ако не се соседите, слаба е потрошувачка во Битола- вели Ќулафи.

 Од другата страна на границата успева друга сорта на грав, двојно поголем од нашиот. Но, очигледно не повкусен, велат земјоделците зашто купувачите од Грција барааат килограм повеќе македонски грав. Домашните одгледувачи се соочуваат со дилема како може од грчката страна на границата да успеава сортата покрупен грав, а од македонска страна таа да не дава резултати. Така, Ќулафи зел сто килограми семе од крупниот грав, надевајќи се дека од него ќе извади два тона род, но ништо не никнало.

   Најстарото семе во Битолско

 -Семето што ние го користиме е старо неколку века, можеби и затоа гравот е толку вкусен. Од првиот род грав моите предци имале обичај да зачуваат неколку вреќи семе и пак да го засадат. Така можеби три века наназад. Го имаме сигурно најстарото семе во Битолско- вели Ќулафи.

  Но, тајната на квалитетениот грав не лежи само во семето, туку и во обработката на оваа земјоделска култура. Гравот се смета за еден од најмакотрпните за одгледување зашто расте меѓу пченка и е многу тежок за берба и чистење. За разлика од повеќето одгледувачи, кои за побрзо гравот да излезе мешунките ги газат со трактор, семејството Ќулафи, како пред еден век го чисти рачно. Домаќините на крај велат дека зачинот за квалитетениот род е всушност чистата вода со која изобилува овој планински крај и се користи за наводнување на нивите. Токму еколошкото производство го прави гравот еден од најбараните македонски производи во Грција.

Два дена со ред висока загаденост на воздухот во Битола со ПМ 10 честички измериле мерните станици во центарот и периферијата на градот. Највисоки вредности биле регистрирани во текот на вчерашниот ден кога во централното градско подрачје загаденоста била повеќе од пет пати над дозволените среднодневни количини.