Клиничката болница од Битола ги известува пациентите и останатите граѓани дека нивниот досегашен број 047 251 211 е надвор од употреба. За секакви информации да се користи телефонскиот бројот 047 243 411.

Битолската џез пејачка Стефанија Милевска сними нова песна „Еј ти, слушај“ (Hey You, Listen) и документарен филм, кои беа промовирани вчера, а имаат за цел да ги срушат бариерите и предрасудите што постојат во општествената заедница за лицата со попреченост. Песната и документарниот филм се посветени на нејзиниот прерано починат брат, кој беше болен од целебрална парализа, и на сите лица со попреченост. Таа сними и спот за песната, во кој учествуваат лица со различен вид попреченост од Битола, Скопје и Белград, како и танчари, пејачи и изведувачи од Анастасија центар-Битола.

Формирана е платформата за следење на квалитетот на амбиенталниот воздух "Земи здив" во Битола. Основана е од петте граѓански здруженија Младинска асоцијација ИМКА, Регионално географско друштво Геосфера, Здружение за одржлив развој Сфера Македонија, Здружение на граѓани- Центар за европски развој и интеграција и  Здружение на граѓани за советување и поддршка на лица со карцином или лица кои се излечиле- „Јасмин“.

Цели на Платформата „Земи здив“се:
* Подигнување на хипер-локална мрежа од сертифицирани мерни станици кои ќе го следат квалитетот на амбиенталниот воздух
* Идентификација, мапирање на загадувачите и доставување на поднесоци до институциите кои ќе се базираат на докажливи податоци од мрежата
* Генерирање на документи, извештаи и анализи за состојбата и квалитетот на амбиенталниот воздух во Битола
* Предлагање на мерки за справување со аерозагадувањето
* Анимирање на сите граѓани и институции по прашањата кои се поврзани со квалитетот на амбиенталниот воздух во Битола и
* Вклучување на платформата и во сите други активности поврзани со заштитата и унапредувањето на животната средина.

Задачи на Платформата „Земи здив“ со кои се остваруваат целите се: 
* Податоци во реално време за квалитетот на амбиенталниот воздух
* Инсталирање на сертифицирана сензорска мрежа 
* Месечни и квартални извештаи за квалитетот на воздухот
* Подигање на јавната свест
* Идентификација на загадувачите
* Анализа и конкретни мерки
* Следење на ефектите од мерките
* Изнаоѓање на решенија
* Креирање на политики
* Прогнози за аерозагадувањето
* Организирање на советувања, предавања и активности на теми за подобрување на амбиенталниот воздух

Календарски уште сме зима, пролетта започнува за неколку дена, а во Преспа како да пукнало лето. Температурата се искачи до дваесетиот степен и сите туристи што викендов ја посетија Преспа уживаа крај езерото по куси ракави.

Фантазиравте како деца?! Или сега преку вашите деца се сеќавате како и Вие кога бевте на нивна возраст често ,,заминувавте“ надвор од овој ,,реален свет“ преку своите мисли. Или пак често им велите ,,не фантазирај?“ Дури и може да се вратите во детството и да се сетите како сте фантазирале како деца и за што најчесто!

Како созреваме и старееме неможеме ни да се сетиме што е фантазија- и би го дефинирале како ,,леташ таму некаде во некој нереален свет што личи на научна фантастика“. Карактеристично за нас возрасните е да живееме во реалноста, во моментот опколени од милион реални ситуациии во кои е глупаво да се занесуваме. Е, баш тој прекин на било каква мисла неврзана со реалноста која ја живееме не спречува истата да ја креираме во правец во кој сакаме. Зошто? Затоа што ,,возрасните неможат да се лажат себеси и да фантазираат“. Зошто? ,,Затоа што не е нормално!“

Ова уверување уништило повеќе амбиции, кариери, просперитет и напредок кај повеќето од нас. Но, сега го поставувате прашањето како со фантазијата можеме да ја добиеме работата која цел живот сме ја посакувале? Се прашувате како?

Фантазијата е дел од визуелизацијата која значи создавање на ментална слика во нашиот ментален простор за она кое сакаме да го оствариме, живееме, пронајдеме,доживуваме. Фантазијата ја користиме да го поттикнеме нашиот ум да визуелизира ментална слика како тоа да сме го оствариле. На нас е да се доведеме во опуштена состојба и да го одживееме тоа како да се случува сега со што се донесуваме во емоционална состојба која е посакувана. Навиките на исклучително успешните луѓе ни покажуваат дека визуелизацијата е алат кој го користат секојдневно. Што значи тоа? Тоа значи дека точно знаат која работа сакаат да ја работат, како изгледа додека го прават тоа, кои се тие во тој момент, како се облечени, со кој се комуницираат, кои детали ги има околу нив. Тие не размислуваат што се треба да направат за да стигнат таму, тие го знаат крајниот резултат и го замислуваат преку сопствената фантазија, го креираат моментот, а преку емоционалната состојба која ја предзвикуваат даваат порака дека тоа го живеат. Со тоа се активира моќниот Закон на привлекување кој е задолжен тоа да ни го оствари. Разликата помеѓу фантазијата и визуелизацијата е во АКЦИЈАТА. Оние кои веруваат се покреваат на акција тоа и да го остварат односно се прашуваат себеси : Што се можам јас да направам и зависи од мене за да стигнам таму? Тука не ги вклучуваме изговорите од типот ,,немам време,, ,,немам финансиии,, ,,немам пријатели,,. Ако целосно верувате во себе секогаш постои нешто што Вие може да го направите во врска со тоа. Иако темата е комплексна и сигурна сум дека еден ваков текст не е доволен да ви појасни СЕ еве две моќни коучинг прашања кои можат да ве покренат на размислување да тргнете по патот на визуелизацијата :

• Каде се гледаш себе за 5 години од денес?
• Кој треба да станеш (бидеш) ТИ за да го живееш тоа?

Околу 99 % од луѓето (научно докажано) е дека немаат конкретен одговор на ова прашање.Имаат некои магловити претстави. Исклучително успешните луѓе секогаш имаат детална слика за крајниот исход која е создадена во нивниот ум, која поттикнува емоционална состојба и која е врзана за визуелизација во која уживаат и веруваат во себе дека се такви какви што сакаат да бидат. При тоа се покреваат на акции, а останатото е работа на Универзумот. Можеби звучи лудо, но едукацијата како се прави тоа, волјата да стигнеме таму и вербата во самите себе со промена на уверувањата кои не ограничуваат се клучот.

Верувам дека оваа тема во Вас провоцира прашања и добивате желба повеќе да истражувате или да се едуцирате. Сега имате единствена можност во Битола да ја посетите Работилницата по НЛП на тема ,,Уверувања и вредности,, која ќе се одржи на 13.04.2019 год во просториите на Бизнис Академија Смилевски и еден дел ќе биде посветен на алатките со кои можеме да ги промениме нашите уверувања.

До тогаш сетете се какви бевте како деца, што верувавте за себе и дали сте задоволни од човекот во кој пораснавте!

Пишува м-р Билјана Галовска -предавач на БАС, NLP master coach

Дополнителни информации на Оваа е-адреса е заштитена од спамботови. Треба да ви е овозможено JavaScript за да ја видите.

Подпелистерието е во чад од запалени стрништа. Опожарена е поголема површина и тоа на неколку места од левата страна на регионалниот пат Битола-Ресен во близина на Ротино.

Сончевиот часовник што ќе се поставува на Еврејските гробишта, висок шест метри со дијаметар девет метри, од два тона железо и 90 монтирани делови го изгради градежниот инженер Ѕвонко Ристевски од Битола.

Вработени од ЈП ,,Водовод" ги исчистија наносите земја и чакал низ улиците во центарот на Битола по поплавата предизвикана од пукање на азбестна цевка. 

Екипи на ,,Водовод" со лопати во рацете го собраа наносот на улицата ,,Димитар Илиевски Мурато" на местото каде се сечи со Широк Сокак, како и на други места каде имаше потреба од расчистување. 

Претпладнево пукна најголемата азбестна цевка што минува низ улиците Ленинова, Кирил и Методиј и Стево Патако, по што вода се излеа низ улиците. Екипи на ,,Водовод" излегоа на терен и го запреа истекувањето. Ќе се работи на санирање на дефектот. 

Пукна голема азбестна цевка што минува низ центарот на Битола, поточно низ улиците Ленинова, Стево Патако и Кирил и Методиј.