Јавното претпријатие „Стрежево“ на своите вработени, граѓаните на Битола и на Република Северна Македонија им го честита државниот празник  8-ми Септември, Денот на независноста.  

Клиничката болница од Битола која досега се грее на мазут, во иднина ќе треба да добие еколошки ситем за греење, ладење и вентилазија преку хибриден систем со примена на соларна енергија и топлински пумпи со што емисијата на јаглероден диоксид ќе се намали за една третина.

Започнаа активности за комплетно санирање на паркинг просторот пред Стоковната куќа Јавор, со кое сега стопанисува Јавното претпријатие за паркинзи.

Погледнете како изгледа ноќе една од најфреквентните сообраќајници во Битола по поставените 91 арматура со лед светилки. 

Отстранети се техничките проблеми со киното во Центарот за култура и директорката Маја Андоновска Илијевски најави дека подготвени ќе ги дочекаат гостите на Фестивалот на филмска камера „Браќа Манаки“ што почнува идната сабота и филмските проекции.

Новото филмско ремек дело ,,Болка и слава" на познатиот режисер Педро Алмодовар ќе го отвори годинешното 40 издание на Фестивалот ,,Браќа Манаки" што започнува идната сабота во Битола

Општина Битола и годинава ќе субвнционира еколошки корисни средства за животната средина, а во следните десет дена на официјалната интернет страница на Општината ќе се споведува анкета во која граѓаните можат да изберат за што приоритетно треба да се дадат субвенциите.

„По анализите, во анкетниот лист се понудени приоритетните субвенции и тоа: инвертери, вградување на плински уреди кај постарите возила и велосипеди. Граѓаните треба да изберат еден од понудените одговори. Нивното мислење ќе има важна улога во одлуката и оваа година, општина Битола, да им помогне на нашите сограѓани, како и изминатите години наназад, да имаат услови и можност и тие со субвенции од општината да придонесат кон подобрување на животната средина. Ова е се разбира само една од активностите кои општина Битола, ќе ги спроведе во наредниот период, во очи на грејната сезона“, рече Тања Крнчева, советник од Општина Битола.

Општината изминатите две години, спроведе субвенционирање на печки на пелети и системи и велосипеди, а оваа година, локалната власт ја зеде во предвид најавата на премиерот Зоран Заев, при неговата неодамнешна посета на Битола, за субвенционирање на инвертер клими за сметка на старите печки кои користат цврст огревен материјал, дрво или јаглен.

Според резултатите од досегашната анкета, најмногу битолчани заинтересирани се да за субвенционирање инвертери, за тоа досега гласале над 65 проценти од учесниците во анкетата, над 19 проценти за велосипеди и над 15 проценти за плински уреди за постари автомобили. Од една IP адреса може да се гласа само еднаш.

Битолската Клиничка болница „Д-р Трифун Пановски“ стана болница „Свети Андре“ во филмот „Сирена во Париз“, во режија на Матијас Малзју, кој од денес почна да се снима во оваа здравствена установа во Битола. За потребите на филмот кој е белгиско-француско-македонска копродукција поставен e и натпис со новото име. Денес се снимаше во толаетите, собата за реанимација, ходниците, а следните денови во лобито, чекалниците и на паркингот.