ЈП Водовод ги известува граѓаните дека на 12.05.2022 (четврток) поради промена на овален затворач Ф -150 мм на Новачки пат со прекинато водоснабдување ќе бидат корисниците од  с.Долно Оризари, СН Осигурителен Брокер, Фелиција, Цермат, ул.Прилепска бр.80 и бр.82. Прекинот ќе трае од 09:00 часот до завршување со работните активности.

Состојбите во македонските затвори се менуваат , но потребно е уште многу работа за подобрување на условите. Целта на затворската казна не е само некого да го затвориме и да го заборавиме, туку  повторно да се интегрира  во општеството, посочија експертите на денешната меѓународна конференција „Третманот на осудените лица, како до успешна ресоцијализација “,  што се одржа на  Правниот факултет во Битола.

„Ние кај нас разговараме, замислете, за материјални услови и подобрување на објектите на казнено-поправните установи, а говорничката од Финска зборува за смарт затворот или од Естонија за дигитализација на затворите.Во овој дел имаме многу работа, тоа го нотира и Комитетот за превенција од тортура во своите извештаи, но покрај критиките дава и позитивни забелешки дека се менува и пристапот и материјалните услови во казнено-поправните установи. Не може сите оддеднаш да се подобрат, една по една, но најголемите забелешки се насочени кон Идизово, каде треба се̍ уште да се работи многу во однос на материјалните услови“, рече професорката Ангелина Станојоска од Правниот факултет од Битола.

Марјан Спасовски, директор на Управата за извршување санкции рече дека ресоцијализацијата на осудените лица кај нас не е на задоволително ниво, но дека се прават максимални обиди да се подобри ситуацијата.

„Ресоцијализацијата има за цел намалување на рецидивите и и повратниците во казнено-поправните домови. Имаме изготвено програми по кој работиме, разменуваме искуства со меѓународни институции. За жал, не е на задоволително ниво, но вложуваме максимални напори да ја постигнеме целата. Соработуваме со Министерството за образование, имаме образовни програми низ кои минуваат осудени лица, учење на занети и слично. Главен проблем е невработеноста. По излегувањето до затвор не знаат што да прават и можеби тоа е една од причините што ги повторуваат кривичните дела за кои веќе излежувале затвор“, рече Спасовски.

Сепак, има примери на осудени лица кои завршиле обуки за готвачи, пекари, машино бравари, , се вработиле, создале семејства кои ги издржуваат толку од занетот и образованието што ги сеткнаа во казнано-поправите домови.

Најмладата малолетничка во Македонија која абортирала има само 13 години. Во 2020, имало 18 девојчиња под 15 години кои биле родилки, а од вкупниот број на новороденчиња, 4,9 проценти биле донесени на свет од трудници на ворзаст од 15 до 19 години. Ова се само дел од податоците што со јавноста ги сподели Македонската асоцијација на гинеколози и опстетричари (МАГО), која започна со активности за одбележување на Неделата на женското здравје.

Во тек е кампања со дебати за теми поврзани со репродуктивносто здравје на жените и активности за да се срушат стигмите и бариерите што девојчињата и жените ги имаат за своето репродуктивно и сексуално здравје и да ја подигнат свеста за значењето на редовните гинеколошки прегледи.

„Малолетничката бременост можеби е во некакво опаѓање, но бројките уште се големи. Има огромно поле за работа со адолесцентите кои имаат одредени непознавања како се останува бремена и како да се заштитат од преносливи инфекции. Анализите покажаа дека тие претставуваат најмал дел од популацијата која редовно се обраќа на гинеколог. Кај младите има една стигма и незнаење за некои од основните работи, на пример опасностите да се здобијат со сексуална пренослива инфекција. 20 проценти од нив сметаат дека кондомот штити од несакана бременост, а не штити од сексуално преносливи инфекции. И 20 проценти од младите сметаат дека ако пијат орална контрацепција тоа ќе ги заштити од сексуално преносливи болести, што не е точно“, рече проф. д-р Глигор Тофоски.

МАГО во соработка со други организации синхронизираше 20 видеоклипови каде на интересен начин за младите се пренесуваат сознанија за сексуалното здравје, а меѓу нив и за незаштитениот секс.

Друг поразителен податок е тоа што повеќе од 60% од жените не одат на редовен гинеколошки преглед еднаш во годината, а повеќе од 40% немаат избрано матичен гинеколог. Источниот Регион бележи намал одѕив за вакви прегледи. Со пандемијата намален е и бројот на гинеколошки прегледи од бремените жени.

„За жал, бележиме двојно намалени услуги за редовни прегледи посебно во првите три месеци од бременоста, а тоа е многу важно за сите компликации кои можат да се јават понатаму во бременоста. Намалени се услугите за репродуктивното здравје. Иако се спроведе проектот за безбеден абортус , сепак сите услуги за семејно планирање не забележавме дека добија поголем одговор во споредба со минатото“, рече проф. д-р Ана Данева.

Со мобилната гинеколошка амбуланта од декември досега опфатени се 1.300 пациентки. Обезбедуваат ултразвучни прегледи во бременост, гинеколошки прегледи, земање на брис, ХПВ тест и тестови за сексуално преносливи инфекции, а жените ако е потребно се праќаат и на дополнителни иследувања.

„Мобилните гинаколошки амбуланти функционираат до крајот на јуни. Важно е да останат одржливи и во склоп на Министерството за здравство, па да се опфатат оние региони каде има поголема преваленца на генитални карциономи или недостигаат матични лекари. Заборуваме за голема група од над 40 проценти пациентки кои немаат матичен гинеколог, па да се поттикнат да одберат и навремено да бидат потсетувани да го посетуваат барем еднаш во годината“, рече Тофоски.

Пред 3 години, од невладината ХЕРА кажаа дека во многу региони, особено во руралните средини, жените немаат матичен гинеколог иако бројот на доктори во споредба со бројот на жители е во линија на Европската унија.

Извор: https://sdk.mk/index.php/naslovna/13-godishno-devojche-e-najmladata-so-abortus-60-otsto-od-zhenite-ne-odat-na-redoven-ginekoloshki-pregled-veli-asotsijatsijata-na-ginekolozi/

Владата на денешната редовна 44 седница ја донесе Одлуката за утврдување на бројот на наставните денови во учебната 2021/2022 година во средните училишта. Со оваа одлука се утврдува дека бројот на наставните денови во тековната учебна година во средните училишта изнесува 146 наставни денови, односно дека нема продолжување на учебната година. 

ЈП Водовод ги известува граѓаните дена на ден 10.05.2022г. (вторник), поради поправка на овален затворач Ф -150 мм во населба Карпош, можен е прекин во водоснабдувањето на ул. Никола Русински и зградите : (1,5,6,7,8,910,11 и 12) од 9 часот до завршување со санацијата на дефектот.

Во организација на Сојузот на пензионерите од Македонија во Центарот за култура во Битола се одржа 20. Регионална ревија на песни, музика и игри. Домаќин беше Здружението на пензионери од Битола чија претседателка на Извршниот одбор, Даница Петличкова, ги поздрави сите присутни гости и публиката и им посака да се чувствуваат најпријатно во градот на конзулите и што поуспешно да ги презентираат своите изведби.

На ревијата настапија неколку пеачки групи од Битола, Демир Хисар, Крушево и Прилеп. Сите се потрудија да презентираат квалитетни изведби , како во пеачката традиција така и во соло изведбите. На крајот на сите им беа доделени благодарници, а најдобрите ќе земат учество на Републичките средби.

Културен и информативен центар - Битола, поддржан од Општина Битола, а по повод 9 Мај  „ Денот на Европа“ со особено задоволство го најавува свечениот концерт на маестро Дино Имери, во концертната сала на Палатата на културата - Офицерски дом во Битола. Овој настан е дел од програмата за одбележување на „Денот на Европа“ на Општина Битола и  е прв пијано концерт на концертниот клавир „Bösendorfer“  по пренесувањето во  Палатата на културата - Офицерски дом и воедно промоција на концертната сала во истиот. 

На програмата се дела од: Ф. Шопен, Ф. Лист, А. Џамбазов, Д. Имери, М. Завков, С.Н. Ѓумар.

Концертот е на 9 мај со почеток во 20 часот. Резервации и влезници во билетарата на Културен и информативен центар Битола или на официјалната страна на центарот.