На 08.01.2020 во СВР Битола било пријавено дека настанал пожар во патничко возило „фолксваген пасат” со грчки национални ознаки, управувано од 43-годишен жител на Египет и 30-годишен сопатник од Алжир, додека се движело по магистралниот пат Макази –Ѓавато, во близина на место викано „Свлечиште“. Извршен бил увид и се преземаат мерки за расчистување на случајот.

За овие Божиќни празници, амбиенталната улица во Битола, Широк Сокак, беше исчистена од мраз. Не се лизгаше иако претходно имаше заврнато снег, кој потоа подмрзна. Не беше опасно да се гази ни на лизгавите црни плочки. Уште во неделата Јавното претпријатие „Нискоградба“ низ улицата фрли сол, овозможувајќи за време на божиќниот метеж, граѓаните безбедно да се движат. Во минатите години се случуваше снегот да се исчисти од улицата или да се собере во купчиња на среде, а растопените делови остануваа да се подмрзнат и беше лизгаво.

По повод големиот христијански празник, Рождество Христово- Божиќ, ЈП „Стрежево“ до верниците од православната вероисповед упатува честитка со желби за добро здравје, лична среќа, радост и бериќет во семејствата.

По повод големиот христијански празник, Рождество Христово- Божиќ, АД ЕСМ Подружница РЕК Битола, до верниците од православната вероисповед упатува честитка, со желби за добро здравје, лична среќа, радост и бериќет во семејствата.

По повод големиот христијански празник, Рождество Христово- Божиќ, Јавните претпријатија Водовод, Нискоградба и Пазари од Битола,  до верниците од православната вероисповед упатуваат честитка, со желби за добро здравје, лична среќа, радост и бериќет во семејствата.

За Коледе Битола како да ја погоди Трета светска војна. Огномет и петарди имаше повеќе отколку за Нова година. Битолчани за коледарската вечер прославија и со богат поротехнички арсенал.

Битолчани не можат без коледарски огнови, тоа го докажаа и годинава. Не е еколошки, не е верски обред, но факт е дека е традиција врежана во колективното однесување со десетици години. Ако се изезмат пијанките, дружбата околу огнот барем е чин на социјализација.

Шпекулации се информациите што се шират на социјалните мрежи дека некој го ископал мразот на лизгалиштето во Битола и сечел цевки.

Зоран Дојчиновски, директорот на Јавното претпријатие за паркинзи, кое стопанисува со лизгалиштето во телефонски разговор за Апла.мк соопшти дека не се случила никаква саботажа, како што се пишува на фејсбук. Тој објасни дека поради голема посетеност од преку 400 лизгачи, се истанчил мразот и се јавил проблем со една од цевките. Вработени лица во претпријатието го санирале дефектот и денес лизгалиштето работеше без проблем.

Дојчиновски вели дека лизгалиштето е под надзор 24 часа и нема никаква шанса некој да го оштети. 

Ж.З.  

Снегот ја побели Битола, давајќи ѝ посебна драж за време на големите верски празници кои престојат.   .