По секој крај следува нов почеток, па така една промена повлекува друга и единствена константа на животот станува - ПРОМЕНАТА. И кога сакаме и кога не сакаме сѐ се менува и ништо не останува исто, се менуваме и ние. Некои процесот на стареење го прифаќаат со радост други сѐ уште во цутот на младоста прават милион корекции незадоволни од себе. Незадоволството не доаѓа од она како изгледаме, туку од начинот на кој се перцепираме себеси, од начинот на кој се сакаме себе и уживаме во нашето сопство.

Деновиве имав можност да прошетам повеќе од вообичаено во битолските кафулиња и забележав дека има прекрасни млади личности полни со филери, ботокси, свилени трепки, парче облека и многу алкохол. И не дека имам против, но сите беа убави и без тоа. Понекогаш само треба да се сетиме дека - сѐ што правиме и сѐ што ни треба, а е надвор од нас ние го правиме за да почувствуваме некое задоволство внатре. Ајде едноставно кажано, сѐ што правиме е за да се чувствуваме подобро, односно да почувствуваме некоја емоција. Пиењето алкохол за да се опуштиме, носењето провокативна облека за да не забележат, филерите и трепките за да ни ја подигнат самодовербата, парите да уживаме во животот, лајковите по социјалните мрежи да ја „отсликаат убавината” на нашиот живот. Како на некој да му е грижа за тоа. Сѐ што се прави има краткотраен ефект. Само кај тинејџерите е нормално тоа, затоа што созревањето е во тој период и се она што е надвор влијае на она што се доживува внатре. Откако ќе помине тој период се што останува од него е комплекс и потсвесно креира несвесен живот.

Ви посакувам во новата година да анализирате кои вредности ги почитувате, што ви е вам важно, што сакате да постинете и која одлука сакате да ја донесете, а на што да ставите крај. Да погледнете колку сте единствени, колку сте вредни и убави, колку успеси сте постигнале до сега. Да ставите крај на се токсично во вашиот живот и да се прегрнете себе со многу љубов за себе. Да бидете храбри да се соочите со вашите предизвици, да имате трпение на патот на остварување на вашите цели, да станете свесни дека вашиот живот е само ваш и Вие ги одредувате правилата во него, да се љубите себеси искрено за да можете да љубите и други. Затоа што се што ни треба однадвор за да бидеме среќни го немаме внатре во себе. А кога го имаме во себе, се пристигнува во нашиот живот и станува дополнување на она што е внатре.

Понекогаш патиштата се трнливи и болни, но тоа не значи дека не нѐ водат до саканата дестинација. Кога страдаме учиме за себе, а тука сме да ја оствариме нашата мисија на земјата. Ако имаме во предвид дека секој од нас пополнува единствено место во неа кое никој не може да го замени, тогаш запаметете на почетокот од годината дека сте ЕДИНСТВЕНИ и тоа имајте го во предвид секој нареден ден цела година.

Пишува: м-р Билјана Галовска НЛП тренер и коуч, предавач на Бизнис Академија Смилевски

 (Ставовите изнесени во колумните не се ставови на редакцијата на Апла.мк. Затоа Апла.мк не сноси одоговорност за содржината на истите)

Ескплозија на плинска боца се случи денес околу 11 часот во рибарницата „Делфин“ во Новиот пазар. Од СВР Битола потврдија дека  случајот е пријавен кај нив, а интервенирала и Противпожарната единица. За време на експлозијата во рибарницата била вработената, која по настанот била пренесена во Клиничката болница во Битола. Портпаролката Сузана Конеска за Апла.мк информираше дека донесено е женско лице  во Ургентното одделение, видно вознемирена, но без повреди. На жената ѝ е дадена соодветна терапија. Од експлозијата искрешени се стаклата од дуќанот,  а настанот предизвикал страв и вознемиреност кај битолчаните кои работат и пазарувале во Новиот пазар.

Редакција Апла 

По прославата на плоштадот Магнолија, градоначалничката ја посети дежурната екипа на Итната медицинска помош во Здравствениот дом „д-р Хаим Абраванел“ во Битола. Таа им ја честиташе Ногата година и на медицинскиот тим кој  највеселата ноќ во Битола ја мина работно, во служба на здравјето на граѓаните. 

На плоштадот„Магнолија“ во Битола, синоќа голем број битолчани ја дочекаа Новата 2020 година. Со музичка програма, која започна во 21 часот, пред битолската публика синоќа настапија ДЈ Рикардо, Кон Тру ДЈ и Фанк‘ Д Ап Бенд, за крај, како кулминација на вечерта, настапи Зарина Прва севда со својот бенд, изведувајќи македонски народни песни.

Неизбежниот Дедо Мраз им ја честита Новата година на битолчани, со желби за добро здраве, успех и просперитет на сите, а точно на полноќ градот беше осветлен од голем огномет.

Првото бебе што се роди во Битола во Новата 2020 година е женско. Кога првото новородено е женско се верува дека годината ќе биде плодна и беиќетна! Евгенија се роди спонтано, само пет минути по полноќ.

.

Јавните претпријатија Водовод, Нискоградба и Пазари на своите вработени, граѓаните на Битола и на Република Северна Македонија им посакува среќна Нова година! 

НУ Центар за култура од Битола на своите вработени, граѓаните на Битола и на Република Северна Македонија им посакува среќна Нова година! 

Јавното претпријатие „Стрежево“ на своите вработени, граѓаните на Битола и на Република Северна Македонија им посакува среќна Нова година! 

АД ЕСМ подружница РЕК Битола, на своите вработени, граѓаните на Битола и на Република Северна Македонија им посакува среќна Нова година!