Познатата американска ладино пејачка Сара Ароести, Еврејка со битолско потекло, која денес живее во САД, ќе ја препее „Битола Бабам Битола“ во новиот голем музички проект што го подготвува. Ароести, чие смемејство порано живеело во куќата на Широк Сокак каде што денес е пицеријата „Равена“ и Сојузот на синдикати, дојде во Битола за да учествува на обележувањето 77 години од депортацијата на битолските Евреи.

Оперскиот пејач Игор Дурловски ќе биде носител на листата со кандидати за пратеници на ВМРО-ДПМНЕ во изборната единица пет, каде спаѓа и Битола. 

Дури четворица битолчани се најдоа на листата со кандидати за пратеници. Покрај Дурловски, на местото број три е универзитетскиот професор и поранешен претседател на битолскиот општински Совет Силвана Ангелевска. На местото број шест е Олга Лозановска од Битола, специјалист по интерна медицина и актуелен советник и на 12 место е Бобан Бојковски, вработен во Центарот за развој на Пелагонискиот-плански регион. Останатите позиции се пополнети со кандидати од другите градови. На местото број два веднаш по носителот Дурловски е Антонијо Милошоски, досегашен пратеник од ВМРО-ДПМНЕ. 

Во следните 14 дена ќе биде прекинат воспитно-образованиот процес во градинките, наставата во основните и средните училишта во земјава. Ова е нова мерка што Министертвото за здравство ја предложи до Владата, а таа ја усвои на денешната седница со цел да се спречи ширење на вирусот корона во земјава. 

 Според изјавата на министерот за здравство Венко Филипче во следните 14 дена од работа ќе бидат ослободени и вработените во образовните институции. 

,,Поголемиот дел од луѓето трагаат по среќата. И неуморни се во својата потрага. Се обидуваат да ја пронајдат во нешто или некој надвор од нив. Тоа е суштинската грешка. Среќа е нешто што Вие сте и извира од начинот на кој размислувате,, Вејн Дајер.

Дали сте среќни? Што е тоа среќа? Која е вашата дефиниција за среќа? Уште колку ќе чекате таа да пристигне до Вас? Дали навистина траба да се случи нешто надвор од нас кое ќе не направи среќни? А, и кога тоа се случува, тогаш зошто не трае таа среќа, па трагаме повторно по неа?

Среќата не е производ, не е нешто што пристигнува со иднината. Среќата не е во материјалните работи кои ги поседуваме или во претстојните случувања. Таа не може да се случи во иднината која чекаме да дојде. Таа е секогаш, ама секогаш достапна само сега. Таа се наоѓа во пронаоѓањето на длабоката смисла во нашиот живот. Среќата е состојба чии зачеток е во нашите мисли, производ на нашето суштинско гледање на животот. Таа не е видлива категорија, таа е нешто кое длабоко продира до нас и не оживува во вистинска смисла. Животот- рекол некој -не е тоа што се случува, туку како гледаме ние на тоа што се случува. Прашањето е како гледаме ние на среќата во нашиот живот?

Верувам дека некои од Вас би сакале да дознаат какви се луѓето кои се вистински среќни, што прават или имаат тие? Направените истражувања за тоа што е присутно кај вистински среќните луѓе не водат до четири централни точки, четири области и тоа:

• Прво, секој од нив колку повеќе ја живее својата единствена смисла на планетата Земја, се повеќе се чувствува среќен. Вистински среќните луѓе продолжуваат да се движат во насока на својата животна смисла и кога не е лесно, па преку својата суштина се поврзуваат со својата права природа
• Второ, навистина среќните луѓе ја забележуваат разликата помеѓу наградата и задоволството. Тие се фокусирани на својата благосостојба (здравје, постигнувања, , постоење,богатство,активности и сл) на работи и улоги кои се вредни за поврзаноста, а не само на работи кои носат задоволство
• Трето, свесни се за тоа дека среќата доаѓа низ придонесот за другите. Среќата на другите луѓе го поттикнува нивниот елан и жар
• Четврто, благодарни се на се што имаат сега, го ценат животот и продолжуваат да поставуваат прашања трагајќи за длабоката смисла на сопствениот живот

Нашата среќа е онаму каде се сретнуваат нашите вредности и смисла. Тоа не води во овие четири области и тука се развива свеста за тоа да бидеме среќни денес, да трагаме по нашето суштинско јас кое е во нас, да прифаќаме и да го освестиме денешниот момент и неговата убавина. “Можеби не е секој ден добар, но во секој ден има нешто добро”. Ако се поттикнеме да го пронаоѓаме тоа ќе го подигнеме сопствениот коефициент на среќата кој ќе оди за скала нагоре. А, на прашањето како тоа да го направиме трајно, има само еден одговор. Нашиот внатрешен свет кој постои во нас, не надвор од нас.

Пишува м-р Билјана Галовска НЛП тренер и професионален коуч, предавач на Бизнис Академија Смилевски инфо: Оваа е-адреса е заштитена од спамботови. Треба да ви е овозможено JavaScript за да ја видите.

Комисијата за заразни болести на денешниот состанок со министерот за здравство Венко Филипче побара да се затворат градинките, училиштата и факултетите на ниво на целата држава во следните 14 дена. Предлогот на Комисијата, министерот ќе го достави до Влада која ќе донесе одлука уште на денешната седница. Одлуката ќе биде соопштена во јавноста. Исто така, Комисијата предлага да се забранат сите масовни собири на отворено и затворено , сите културни настани  и спортски натпревари, да избегнуваа јавен превоз. Комисијата препорачува сите вработени во јавното здравство да бидат ослободени од понатамошни активности поврзани со изборниот процес.

 Инаку, во Битола има помалку од 15 000 ученици во десет основни и седум средни училишта. 

Почитувани граѓани на Битола,

Сакаме да Ве известиме дека Платформата за следење на квалитетот на амбиенталниот воздух ЗЕМИ ЗДИВ Битола на денешната седница на Управниот одбор донесе Одлука со која за време на предизборната кампања за престојните предвремени парламентарни избори, ПЛАТФОРМА ЗЕМИ ЗДИВ како правен ентитет - НЕМА да земе учество на никакви јавни трибини, дискусии, тркалезни маси или разни политички настани организирани од страна на политички партии, независни листи или било какви формални и неформални политички собири. Оваа Одлука не го исклучува правото на основачите на Платформата индивидуално да бидат дел од вакви настани, но тие немаат овластување да ја претставуваат или да зборуваат во име на Платформата.

Бурим Керими од ДУИ и коалицијата во две и пол годишен советнички мандат, во кој ретко се обраќаше од говорница, дури денес проговори за неговите ставови за Битола и им реплицираше на советниците од СДСМ и ВМРО-ДПМНЕ.

Керими им рече на колегите од двете партии, со кои ДУИ коалицираше во двата последни мандата и беше дел од нивните Влади: „ Од 1991 година имаме две партии кои командуваат со овој Совет, двете партии како ВМРО-ДПМНЕ, така и СДСМ биле против интересот на битолчани и Општина Битола“.Репликата доаѓа во време кога се заладија односите меѓу СДСМ и ДУИ на централно ниво пред престојните предвремени парламентарни избори.

Да земе збор го поттикна расправата во Советот за мајмунчето Лука во зоолошката градина, дали имало услови да живее таму или не. Керими рече дека зоолошката градина ѝ била понудена од власта во 2017 година да ја менаџира кадар од ДУИ. Тоа за него лично и персонално од преку 50 директорски места на локално ниво било многу понижувачко. И праша зошто нема ни еден раководител на локално ниво од другите етнички заедници, додавајќи дека биле маргинализирани.

На ова го прекрати претседателот на Советот, Валентин Груевски, опоменувајќи го него и другите советници полтика да бистрат надвор од Советот на прес конференции.

Керими, потоа, искритикува дека од главни приходи и расхои Општина Битола има 317 милиони денари, 76 милиони се потропшиле за улици, а нула проценти за етничките албански села во општина Битола.

-Генерацијата моја една огромна бројка се надвор од државата. Некој овде мене интелигенцијата ми ја потценува и нормално е да излезам кога два и пол саати се расправате овде за еден мајмун , а немате никакви идеи за како да ги вратиме тие колеги кои ја напуштија државата“, ги искара Керими другите советници.

Ж.З.