Елена Димушевскa

„Мора да го вратиме вистинското значење на 8 Март. 8 Март не е за подароци и цвеќиња и прослави по ресторани и кафеани. 8 Март ја означува борбата за политички, социјални, економски права на жените. Треба да бидеме благодарни за она што го имаме сега затоа што некој го постигнал тоа во наше име и треба да продолжиме со истото. Да не забораваме дека тоа што е добиено може да биде изгубено. Во неколку наврати во државата имаше иницијативи да се намалат правата, меѓу кои и законот за абортус кој беше изгласан и беше на сила некое време. Да ја продолжиме борбата. Она што треба да го запаметиме е дека тука сме едни за други, женската солидарност е пред се̍.

Даница Петличковска

„8 Март да не го славиме со кафеани, со пеење и играње туку онака како што заслужуваме. Треба сите заедно да се бориме за правата на жената, за еднакви можности и на оние кои настрадале од семејно насилство, да им помогнеме, да им ги кажеме правата каде треба да се обратат, а ние како невладини организации да учествуваме во тоа“.

Светлана Петковска:

„Годинава Прочка и 8 Март се многу близу, скоро заедно, ние како жени да ги научиме и мажите да се проштеваат. Да си ги сакаме мажите, тие да не̍ сакаат нас, да ги сакаме нашите деца, дури и туѓите деца зашто тие тоа го заслужуваат“.

Жаклина Наумовска (во средината):

„Да си посакаме прво и основно во денешно време мир, слога и рамноправност на сите жени. Да им го честитам 8 Март. Ова е ден за борба за правата на жените, да им посакам и здравје, успех и просперитет во нивните кариери, животи и во секојдневието“.

Марица Тодоровска

„Им го честитам празникот, им посакувам среќа здравје и подобро утре. Секој ден во годината нека биде 8 Март, да се борат за своите права, да бидат еднакви со машкиот пол. Жената да биде рамноправна со мажите!“

(Фотографиите се направени на јавен настан што деновиве беше организиран во ресторант, а темата беше поврзана со проблематика која ги тангира женските права)