Исто така, еден од врвните приоритети на оваа Влада е изградба на автопатишта и експресни патишта. Задоволен сум од динамиката што ја имавме во изминатиот период, а очекуваме така и да продолжиме.

Што се однесува на овој регион, покрај градежните активности на пругата Битола-Кременица, кои се во тек, во наредниот месец ќе биде распишан тендер за проектна документација, а врз база на тој проект да се распише тендер и за избор на изведувач за изградба на експресниот пат Прилеп-Битола, со тенденција да прерасне во автопатска делница. Што се однесува пак за патот од Битола до граничниот премин Меџитлија, веќе е влезен во програмата на ЈП за државни патишта и овој проект  ќе биде реализиран  во најбрз можен рок, изјави министерот за транспорт и врски, Горан Сугарески.