Битолчанец пуштил во промет 12.500 фалсификувани евра, доби кривична пријава

Декември 21, 2021

Единицата за финансиски криминал при Одделот за сузбивање на организиран и сериозен криминал во рамки на БЈБ поднесе кривична пријава до Основното јавно обвинителство Скопје против З.Т.(23) од Битола, поради основано сомнение дека е сторител на кривично дело „фалсификување пари“.

Пријавениот во текот на 2021 година набавил лажни пари, и тоа вкупно 25 фалсификувани банкноти во апоени од по 500 евра, за кои знаел дека се фалсификувани, со намера да ги пушти во оптек како вистински. На 15.06.2021 З.Т. најпрво пуштил во промет 5 фалсификувани банкноти од по 500 евра во филијала на банка во Скопје, без да бидат забележани од страна на вработениот во банката дека се фалсификат, по што на 17.06.2021 повторно пуштил во промет 20 фалсификувани банкноти од по 500 евра, во истата банка.

Со ова пријавениот З.Т. пуштил во промет вкупно 12.500 фалсификувани евра, со што се стекнал со противправна имотна корист во вредност од 766.250 денари, на штета на банката, со што ги извршил кривичните дела  „фалсификување пари“, предвидено и казниво по член 268, во врска со член 45 „продолжено кривично дело“ од Кривичниот законик.

Сподели

Login to your account

Username *
Password *
Remember Me
© 2021 АПЛА.мк. Сите права се задржани