Младиот битолски колекционер Филип Етмишовски за десет години успеа да собере безмалку 500 автограми од познати личности ширум светот. Во колекцијата има и потписи кои потешко се наоѓаат зашто му припаѓале на значајни државници кои денес се починати, а успеал да ги обезбеди од историски и други институти. Меѓу нив се автограмите на кои Филип е посебно горд, и тоа стари документи со потписи на кралот Александар Први Караѓорѓевиќ (убиен во Марсеј 1934), кнезот Павле, регент од Кралството на Југославија, Драгиша Цветковиќ потписник на Спогодбата Цветковиќ-Мачек и пристапот на Југославија кон Тројниот пакт, последниот претседател на СССР Михаил Горбачов, таткото на интернетот Винт Церф, последниот Далај Лама и други..

Седумнаесет годишниот битолчанец Филип Етмишовски, успешно се занимава со филографија, неговата колекцијата брои повеќе од 400 автограми, меѓу нив потписите на Владимир Путин, Димитриј Медведев, Меделин Олбрајт, Ангела Меркел, Жан Клод Јункер, Франсоа Оланд, Вацлав Хавел, Виктор Орбан, Јулија Тимошенко, Тони Блер Бан Ки Мун, и уште многу други..

Филип е ученик во средното Економско училиште во Битола и поради неговото хоби размислува да студира политички науки и дипломатија. 

Секој добиен автограм од важни политички и историски личности за Филип е посебна приказна и доживување. Колку потешко го добил потписот, толку му е подраг, особено рачно потпишаните, што е вистинска реткост, забележува тој.

Овој млад битолчанец, со интерсно хоби би сакал да ја комплетира и колекцијата на автограми со сите претседатели и премиери на Македонија.

-Лани за парламентарните избори на 11 декември го добив автограмот од поранешниот премиер Никола Груевски, годинава за локалните избори , пред една недела на митингот во Битола, зедов автограмот и од актуелниот премиер Зоран Заев. Сега ми недостигаат автограмите од поранешните премиери Бранко Црвенковски, Владо Бучковски и Емил Димитриев-вели Филип.

Филип, вели дека ќе биде упорен да ги добие потписите на најмоќните лидери на денешницата и минатото, Роберт Мугабе, Михаил Горбачов, Далај Лама и Барак Обама..