АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Ноември 21, 2024
Петта акција за пошумување на ридот Кркардаш
Декември 03, 2023Денеска се одржа петтата по ред акција за пошумување на ридот Баир организирана од граѓанската иницијатица Зелен Баир и Центарот за европски развој и интеграција. Во овогодинешната акција 50-тина учесници од сите возрасти засадија 500 зимзелени садници од црн бор на потегот над црквата „Св. Четириесет маченици“ во месноста Кркардаш. Во изминатите 4 години беа засадени повеќе од 1000 садници од кои дел веќе се адаптирани и го разеленуваат просторот. Со денешната акција беа заменети и пополнети празнините во новиот појас шума кој го создаваме со оваа иницијатива.
Во недела петта акција за пошумување на битолски Баир
Ноември 29, 2023Граѓанската иницијатива Зелен Баир во соработка со Center for European Development and Integration оваа недела на 03.12.2023 од 11:00 до 13:00 ја организира петтата по ред акција за пошумување на ридот Баир над месноста Кркардаш.
„Во овогодинешната акција ќе треба да засадиме повеќе од 800 зимзелени садници од црн бор и Вашата помош ни е повеќе од потребна. Зборно место за вклучување во акцијата е платото над црквата Св Четриесет Маченици во периодот од 11:00 до 13:00. Ние ќе ги обезбедиме садниците а вие понесете алат за садење. Покровител и спонзор и на оваа петта акција за пошумување се BV Business Group кои како општествено одговорна групација на компании ja препознаа нашата заложба за ревитализација на зелениот појас над нашиот град и ни помогнаа во набавката на садниците“, соопштија организаторите.
Четврта акција за пошумување на иницијативата Зелен Баир
Декември 11, 2022
Граѓанската иницијатива Зелен Баир во соработка со Center for European Development and Integration по четврт пат ја реализира акцијата за пошумување на ридот Баир над месноста Кркардаш. Во годинешната акција беа засадени 200 зимзелени садници од црн бор.
-Покровител и спонзор на четвртата акција за пошумување се BV Business Group кои како општествено одговорна групација на компании ja препознаа нашата заложба за ревитализација на зелениот појас над нашиот град и ни помогнаа во набавката на садниците и со својот тим се вклучија во реализација на акцијата за пошумување.
Во оваа акција како и изминатите години учество зедоа членовите на здруженијата кои се дел од Платформата ЗЕМИ ЗДИВ, велат од иницијативата Зелен Баир
Во претходните три акции на ЗЕЛЕН БАИР беа засадени повеќе од 400 зимзелени садници од кои дел успешно се адаптираа и веќе го зазеленуваат просторот.
-Оваа година беа пополнети празнините во веќе засадените леи и беше отворен нов појас во кој се засадени новите садници од црн бор. Заложбата на ентузијастите собрани околу иницијативата Зелен Баир е обнова на поранешната борова шума на ридот Баир која има функција на бели дробови на градот и создавање на уште еден простор за рекреација на битолчани. Преку овие пошумувања се обидуваме да создадеме нов зелен појас кој има за цел до доведе до подобрување на амбиенталниот воздух и да помогнеме во намалувањето на ефектите од климатските промени, велат иницијаторите.
Од Зелен Баир се заблагодарија на сите кои беа присутни и сите кои дадоа придонес за да се реализира акцијата
Со багреми се пошумуваат старите одлагалишта на пепел во РЕК Битола
Декември 01, 2019Денеска започна еколошката акцијата за засадување на 50 илјади багремови садници на старите одлагалишта со пепел во РЕК Битола. Пошумувањето го спроведуваат Државните електрани и комбинатот, а целата е да се намали загадувањето од овие одлагалишта. И лани ридиштата со пепел беа пошумени со 50 илјади садници, со што за само две години вкупната бројка е 100 илјади садници, што е една третина од вкупниот број на засадени дрвца откако постои комбинатот, истакна генералниот директор на АД ЕСМ, Васко Ковачевски.
Најчитани
