Бојан Стефановски е новиот директор на НУ Универзитетска библотека „Св. Климент Охридски“ во Битола.

Општинскиот Совет отпочнува постапката за основање јавно претпријатие за управување со градските паркинзи во Битола. На сегашниот концесионер со градските паркинзи, договорот му истекува во јуни 2019, по што управувањето ќе го преземе Општина Битола, информираат за апла.мк од локалната самоуправа.

По повод стартот на новата учебна година градоначалникот Љубе Кузманоски го посети централното училиште Славко Лумбарковски -Новаци и заедно со директорот на училиштето Илче Соклевски им посакаа топло добредојде на 17 првачиња од кои 9 првачиња во ЦОУ. Славко Лумбарковски и 8 првачиња во подрачните училишта.

Почна учебната година за 782 првачиња и останатите основци во 12 училишта во Општина Битола, како и за средношколците во 6 општински средни училишта. Градоначалничката Наташа Петровска, денеска го посети ОУ „Ѓорѓи Сугарев“, од каде на сите ученици им посака успех во новата учебна година, посебно охрабрувајќи ги првоодленците. Со цел поттикнување на спортскиот дух и кај најмалите ученици, Петровска на сите одделенија со првачиња им подари фудбалски топки.

На првоодделенците од Општина Могила, градоначалничката Јасмина Гулевска  им подели  училишен прибор.  Годинава 53 ученици - првоодделенци се запишаа во сите централни и подрачни училишта на територијата на општината.
Гулевска на учениците им посака успешна учебна година, со желби за многу здравје и најави дека и во наредниот период локалната самоуправа ќе инвестира во подобрување на условите во трите централни и сите подрачни училишта во општината.

Пајак службата на ЈКП „Комуналец“-Битола денеска  беше на задача во ОУ „Гоце Делчев“-Битола, каде на првиот училишен ден требаше да ги отстрани паркираните возила  од училишниот двор. Граѓани, вработени во околните институции секојдневно училишниот двор го користат како пракинг за своите возила, притоа ги оставаат автомобилите под прозорците од училниците или на спортските терени, загрозувајќи ја неретко и безбедноста на учениците додека се движат и трчаат низ дворот.

Билјана Стојковска, директор на ОУ „Гоце Делчев“ Битола вели дека непрописното и недозволено паркирање во училишниот двор им задава проблеми во функционирањето и безбеденоста на учениците.

„Мојата учителка најдобра на свет  е , секој од нас го милува како свое дете“ , со забава , песни и рецитали и  со срдечно добредојде  утрово беа пречекани првачињата во ОУ „Гоце Делчев“ во Битола. Учениците од погорните класови подготвија програма за најмладите ученици со цел да им ја пренесат пораката  дека во училиште се учи и другарува, се стекнуваат знаења и вештини, нови познанства и пред нив се отвора еден нов свет за сите нив.

Деветотто графичко триенале кое се отвара овој понеделник во 12 часот во Малата сала на Завод и музеј во Битола е една од ретките надежни манифестации кои се занимаваат со вистинска уметност наспроти се посуровиот, покорумпиран, обездушен ликовен свет. Со свои графики учествуваат над 800 автори од 167 земја ширум светот.