Ветување: Таблет за секое дете

Општината ќе обезбеди таблети за секое дете од 1 до 9 одделение и со тоа ќе ја подигне свеста за дигитализација и модерното време, со што ќе го олесниме товарот на буџетот на секое семејство.
(Рок: Веднаш по стапување на функција)

[Извор: Изборна програма на Тимчо Муцунски „За Аеродром гарантирме – Создади нова динина!“ (стр.28)  Датум: 15.10.2021 г.]

ОБРАЗЛОЖЕНИЕ:

Градоначалникот на Аеродром,Тимчо Муцунски во кампањата за локалните избори (октомври 2021 година) вети дека веднаш по стапувањето на фукнцијата Општината ќе обезбеди таблет за секое дете од 1 до 9 одделение. Досега (28.02.2022), речиси четири месеци по доѓањето на Муцунски на челната позиција во Општината, ова ветување дадено во неговата изборна програма „За Аеродром гарантирме – Создади нова динина!“,  е неисполнето.

Проверката на „Вистиномер“ покажа дека ова е единственото ветување за коешто Муцунски има наведено дека ќе го реализира „веднаш по стапувањето на функцијата“, но до моментот кога е пишуван овој текст таблети за децата во основните училишта во Општина Аеродром не се обезбедени.

Инаку, пред три месеци  имаше најави од локалната власт дека се работи на спроведување на овој проект.

Реализацијата на овој проект е во тек, односно во моментов се работи на утврдување колку вкупно таблети треба да се набават и колку средства се потребни, со цел тие да се предвидат во Буџетот на Општината. Со обезбедување таблет за секое дете, ќе се подигне свеста за дигитализацијата и модерното време, со што ќе се олесни товарот на буџетот на секое семејство –  изјавија  од Општина Аеродром за „Слободен печат“.

Сепак, освен ваквите најави, нема информации за некакви конкретни активности за набавка на ветените таблети за основците.

На крајот на јануари, Муцунски при презентирањето на буџетот за 2022 година, даде ново ветување дека во 2022 година ќе се обезбедат таблети за децата од прво и четврто одделение:

Во секторот за образование ќе се реновираат сите основни училишта, ќе има нови таблети за прво и четврто одделение, а ќе почне и изградба на три нови градинки во Стар Аеродром, Мичурин и Долно Лисиче.

„Вистиномер“ пред една недела побара одговор од Општина Аеродром до каде е реализацијата на ова предизборно ветување, односно дали и кога основците од Општина Аеродром може да очекуваат да ги добијат ветените таблети? Но,  не добивме одговор од Општината.

Со оглед на тоа што досега не се обезбедени таблети за децата од прво до деветто одделение, и покрај ветувњето дека тоа ќе се случи веднаш по доаѓањето на функцијата, а дополнително Муцунски сега  најавува дека во 2022 година таблети ќе добијат само „децата од прво и четврто одделение“, неговото предизборно ветување  „таблет за секое дете“ го оценуваме како неисполнето.

ИЗВОРИ:

• Изборна програма на Тимчо Муцунски: За Аеродром гарантираме (25.10.2021) – [Проверено на 28.02.2022]
• Официјална веб-страница на Општина Аеродром (20.01.2021) : ГРАДОНАЧАЛНИКОТ МУЦУНСКИ ГО ПРЕЗЕНТИРАШЕ БУЏЕТОТ ЗА 2022 ГОДИНА [Проверено на 28.02.2022]
• Слободен печат (29.11.2021): Општина Аеродром ќе обезбеди таблети за децата од прво до деветто одделение [Проверено на 28.02.2022]

Оцени: Симона Атанасова

https://vistinomer.mk/wp-content/uploads/2021/09/ned-logo-768x180.png 768w, https://vistinomer.mk/wp-content/uploads/2021/09/ned-logo.png 873w" alt="" width="300" height="70" class="size-medium wp-image-106627 alignleft b-loaded" style="box-sizing: border-box; border: 0px; vertical-align: middle; max-width: 100%; height: auto; margin: 5px 20px 15px 0px; float: left;" />Овој напис е изработен во рамките проектот Проверка на фактите за напредокот на Северна Македонија кон ЕУ, имплементиран од Фондацијата Метаморфозис. Написот, кој е првично објавен во Вистиномер, e овозможен со поддршка на американската непрофитна фондација NED (National Endowment for Democracy). Содржината на написот е одговорност на авторот и не секогаш ги одразува ставовите на Метаморфозис, НЕД или нивните партнери.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар