Исто  така со овој проект ќе се овозможи и 3Д интерактивна и виртуелна прошетка низ културно историското наследство на градот, со посебен акцент на стариот театар што ќе претставува можност за доближување до сите генерации на значајните културно – историски објекти, во нивниот некогашен облик.

Општините Битола и Воден од Грција се партнери во овој проект насловен „Кинокултура - интерактивна и виртуелна презентација на културното наследство и кино“, кој веќе е одобрен и финансиран од Интеррег ИПА програмата на Европската унија за прекугранична соработка со Грција.

Договорот за партнерство градоначалничката Наташа Петровска го потпиша денеска, со што и официјално започнуваат подготовките за потпишување на финалниот договор за реализација и имплементација на проектот, во кој покрај Битола и Воден, партнери се и јавно претпријатие од Воден и Здружението Грин лист од Битола.

Реализацијата на овој проект ќе овозможи промоција на големото културно историско наследство во прекуграничната област, со цел создавање услови за збогатување на туристичката понуда на Битола, но и на прекуграничната област.