Од „Боби Турс“велат дека во текот на овие два дена сите превозници во градот се под контрола на Управата за јавни приходи.

Оваа информацијата за апла.мк ја потврдија и од УЈП-Битола  од каде велат „ превозниците во Битола подлежат на контроли во однос на користење на фискалните апарати, такашто контролата трае и не можеме да дадеме подетални информации“, велат од УЈП –Битола.

Училиштата  денеска ги добиле барањата за спогодбено раскинување на договорите за што потврда за Техничкото училиште добивме од директорот Владимир Роме.

-Точно дека добивме барање од еден превозник и не знаме дали ова  е изолиран случај или ќе следат вакви барање од другите превозници опфатени со петгодишните  договори, вели Роме. Неофицијално апла.мк дознава  дека и други превозници веќе  се подготвувале за да ги раскинат договорите за бесплатниот школски превоз.

Основното јавно обвинителство Битола  пред два дена ни потврди дека води истрага за евентуални злоупотреби со петгодишните договори за школскиот превоз меѓу превозниците и Општината, за што најави дека наскоро ќе излезат со соопштение во јавноста.

Дали ова ќе значи решавање на проблемот со превозот на учениците во Битола или усложнување на ситуацијата ќе се знае за скоро кога се очекува одговор од училиштата  до превозниците дали ќе ги прекинат договорите или ќе се даде време до напролет кога и законски превозниците имаат отказен период.