АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Тој изведбата на турските музичари ја споделил на социјалните мрежи. Потоа еден од музичарите, кој воедно бил и негов обожавател, му пишал дека е многу благодараен што толку познат актер ја споделил нивната песна.
„Јас му реков дека јас него треба да му се заблагодарам зашто ми даде надеж. Надеж во младите. Надеж во иднината. Учам од младите и тие ме инспирираат, не им испраќам јас нив порака туку тие мене. Па, името на песната го истетовирав на раката. Ме инспирираат млади кои трезвено размислуваат“, откри Акин.
Тој рече дека во неговите филмови се занимава со насилството, со општествените проблеми, со последиците од злото, со војните затоа што знае дека повеќето луѓе денес сакаат да заборават на минатото и само да прават пари.
Вчера публиката на фестивалот „Браќа Манаки“ во Битола имаше можност го види неговото најново филмско режисерско остварување „Златна ракавица“, каде кинематографер е неговиот близок соработник, извонредниот Рајнер Клаусман. Говорејќи за режисерската постапка во нивниот најнов филм „Златна ракавица“, Акин објасни дека филмот го снимал според романот. Инаку, настанот со серискиот убиец во Хамбург се случувал во соседството на Аким, а неговиот чичко му бил прв сосед на Франц Хонка. Рајнер и Класусман за 17 години имаат снимено 8 играни филмови како тандем, почнувајќи од „Солино“ во 2002, „Со глава низ ѕид“, „Работ на рајот“, „Соул кичен“, „Раз“, „Збогум Берлин“ и „Од никаде“.
