Webp.net gifmaker

Мими Марковски им вдахнува нова музичка енергија на старите македонски песни

Мај 12, 2021

 

„Билбил рано пее, пее во мај месец“, не случајно ја одбрав оваа песна и не случајно ја објавив точно на први мај. Пораката е во тоа што ова е само почеток на мојата идеја, да обработам повеќе стари, изворни македонски песни, вели за Апла.мк битолскиот продуцент Мими Марковски. Тој неодамна ја преработи оваа старата македонска песна давајќи ѝ модернен аранжман со што го привлече вниманието на младата публика. 
 
„Песната „Ајде да си речиме една песна“ има седум строфи, јас ја отпеав само првата, едно заради комерцијални цели, бидејќи денешнава младина не сака да слуша долги песни, друго за да ја испратам пораката на „недовршено“. Тоа е така бидејќи ова е почетокот. https://youtu.be/NuzAYStX2pU Оваа песна мелодиски и хармонски од секогаш ми се допаѓала и уште од мал замислував како би звучела народната македонска песна во забавен аранжман. Искрено сега таа енергија е во мене, сега сакам да експериментирам со музиката и токму со нашата македонска фолклорна. Бидејќи на младата популација им фали презентација на она што се творело во минатото. Навистина генерациски е многу различно, и можеби сега ним не им се интересни фоклорните мелодии и песни, но преку ваков формат, ја слушаат и прифаќаат. Ова го тврдам бидејќи после објавувањето на преработката на „Ајде да си речиме една песна“, со скратен наслов „Билбил“, оние кои се од младата генерација ме прашаа кој бил автор на текстот и зошто звучело како народна македонска песна, не знаејќи дека се работи за изворна македонска, со што се потврдува фактот дека добиле интерес кон фолкорот и се интересираат за истиот“, вели Марковски. 
Ова е само почеток на неговиот проект „Фолктро“ кој треба да ја оживее старата изворна македонска песна. 
 
„Во ни еден поглед не е лошо да се слуша странска музика, всушност добро е кога се слуша секаква музика, но уште подобро е кога се истражува за истата. Затоа се одлучив преку овој формат, кој јас го нареков „Фолктро“ (спој од фолк и електро) да направам една серија на македонски народни композиции, каде ќе се обидам повеќе пејачи, пред се од Битола да бидат дел од ова. Токму за Велигден, заедно со Елена Деловска од Битола, по нејзина иницијативна ја преработивме „На велигден сум се заљубил“ исто во модерен аранжман. Тоа испадна непланирано, но одлично се вклопи во мојата идеја и енергијата каде сега сум фокусиран. https://youtu.be/yWsLqOu7v4M Периодов ќе сработам уште неколку песни, а воедно сакам и имам идеја како да ги вклучам сите музичари и пејачи од Битола, да работиме заедно, јавно, со цел да се презентираме и да твориме музика. Бидејќи во време кога стагнира продукцијата на музика, мораме да се држиме сите“, вели Марковски. 
Сподели

Login to your account

Username *
Password *
Remember Me
© 2021 АПЛА.мк. Сите права се задржани