Постот е типична дезинформација, која има цел да ги наведе корисниците на социјалната мрежа да помислат дека секој што примил вакцина на „Фајзер“, завршува фатално, откако добил воспаление на срцевиот мускул. Што не е точно. Факт е дека неколку месеци од употребата на вакцината на „Фајзер“, во Европската агенција за лекови (ЕМА) беа пријавени мал број случаи на благи воспаленија на срцевиот мускул (миокардитис) и на срцевата обвивка (перикардитис). Во Македонија според Агенцијата за лекови МАЛМЕД, нема пријавени вакви случаи

Пост на Фејсбук насловен со: „Капитализмот нема срце. Единствена врска меѓу капитализмот и срцето е срцев удар“ илустриран со паднати играчи на масата од столен фудбал завршува со коментар:

Новиот Омикрон сој. Спонзорирано од Фајзер.

https://vistinomer.mk/wp-content/uploads/2021/12/sdsdssdsdsd-khjkhk-nkjnjk-final.png 651w" alt="" width="460" height="470" class="aligncenter wp-image-113378 b-loaded" style="clear: both; display: block; margin: 15px auto 25px;" />

Постот симболично сугерира дека секој што примил вакцина „Фајзер“ завршува со миокардитис, една од несаканите појави, која беше дополнета и во упатството од произведителот на вакцина.

Постот е типична дезинформација, која има цел да ги наведе корисниците на социјалната мрежа дека секој што примил вакцина на „Фајзер“, завршува фатално, откако добил воспаление на срцевиот мускул. Што не е точно.

Факт е дека неколку месеци од употребата на вакцината на Фајзер, во Европската агенција за лекови (ЕМА) беа пријавени мал број случаи на благи воспаленија на срцевиот мускул (миокардитис) и на срцевата обвивка (перикардитис). Во Македонија според Агенцијата за лекови МАЛМЕД, нема пријавени вакви случаи.

Миокардитот го ставивме во групата на можни несакни ефекти не поради пријава кај нас, туку заедно со други несакани ефекти беа нотифицирани од производителот. Вакцината на Фајзер кај нас е регистрирана, ние сме должни да следиме, покрај тоа што и самиот производител постојано известува. При тоа може, да има пријава на дејствие кое го нема кај нас, ние ги сите тие собираме и ги одобруваме и ги вметнуваме во упатството. И во таа насока го вметнавме делот за миокардитис и перикардитис, изјави Мејрем Хаџихамза, раководител во Сектор за информации за лекови и медицински средства во МАЛМЕД на онлајн разговорот со новинарите.

Повеќе меѓународни организаци и институции со внимание ги следат пријавите за појава на миокардитис и вакцината на „Фајзер“.

Британската фондација за срце (БФХ) укажува дека случаите на миокардитис по вакцината биле ретки, со благи симптоми, а заболените обично брзо се чувствувале подобро со одмор и едноставни третмани.

Во повеќето случаи на миокардитис, функцијата на срцето се враќа во нормала без последици, иако е премногу рано да се знае за долгорочните исходи на миокардитисот поврзани со вакцината.

БФХ во одговорите на практични прашања, пишува дека некои од најголемите студии за миокардитис и вакцината се спроведени во Израел, каде што огромното мнозинство од населението ја имало вакцината „Фајзер“.

Во една студија на 5 милиони луѓе , истражувачите идентификувале 136 случаи на миокардитис пријавени во рок од еден месец од земањето на вакцината „Фајзер“, главно кај млади мажи. Од нив, 95 отсто имале благи симптоми, но едно лице починало.

Повикувајќи се на друга научна студија од Изреал, БФК изнесува податок, дека кај возрасни над 18 години, заболувањето од ковид-19 го зголемува ризикот од миокардитис за 18 пати, што едалеку поголемо зголемување на ризикот отколку од вакцината.

Во изминатите неколку месеци објавени се повеќе десетици научни студии за поврзаноста на вакцината на „Фајзер“ со миокардитисот. Во една од овие студии на група автори, дадени се податоци за пријава на воспаление на срцевиот мускул, како несакана појава кај пацинети, кои примиле вакцина на „Фајзер“.

До 30 септември 2021 година, вкупно 1.439 случаи на миокардитис/миоперикардитис од приближно 151,1 милиони приматели на вакцини mRNA. Целокупната стапка на известување меѓу сите приматели на вакцини беше 0,95 случаи на 100.000 приматели на вакцини, што е пониско од очекуваната стапка од референтната популација, или 0,4 отсто од пријавите за несакани ефекти, пишува во студијата.

За врската на вакцината на Фајзер со појавата на воспаление на срцето почна поинтензивно да се зборува во групите каде членуваат противниците на вакцините по случаите на срцеви удари меѓу спортистите. Овие гласини започнаа откако Данецот Кристијан Ериксен доживеа срцев удар на теренот за време на Евро 2020 изинатото лето. Неговиот клуб „Интер“ тогаш потврди дека во моментот кога го доживеа ударот, тој сè уште не бил вакциниран.

Британската фондација за срце одговара на прашањето, дали вакцината на „Фајзер“ има врска со здравствените проблеми на фудбалерите, кои се случија на терените, на очиглед на светската јавност:

Не, нема. Имаше неколку срцеви удари на фудбалски натпревари во последните недели, меѓу навивачите и играчите. Но, нема докази за каква било поврзаност со вакцината, и покрај некои погрешни извештаи на социјалните мрежи. Не можеме ни со сигурност да кажеме дека имало повеќе срцеви удари од вообичаено. Истражувањата покажаа дека тие претходно имале инфекција со корона вирус, што е многу поверојатно дека прележувањето на Ковид-19 довело до проблеми со срцето, иако овој срцев застој можеби не е поврзан со инфекција со корона вирусот. Колапс на терен или срцев удар може да биде првиот знак за срцева состојба и не е нужно поврзан со миокардитис.

Според Светската здравствена организација, ќе требаат уште истражувања за миокардитисот, вклучувајќи ги и можните долгорочни ефекти, иако е извесно дека првично може да се каже дека има поврзаност со вакцината кај мал број на луѓе.

Во соопштението издадено на 9 јули 2021 година, СЗО изнесува став на Комитетот за проценка на ризикот за фармаковигиланца (PRAC) на Европската агенција за лекови (ЕМА) кој потврдил дека постои веродостојна причинско-последична врска помеѓу миокардитисот со вакцините mRNA. СЗО заклучува дека се забележани многу ретки случаи на миокардитис и перикардитис.

Достапните податоци сугерираат дека непосредниот тек на миокардитис и перикардитис по вакцинацијата е генерално благ и реагира на конзервативен третман (на пр. одмор, третман со нестероидни антиинфламаторни лекови итн.). Следењето е во тек за да се утврдат долгорочните исходи, пишува во соопштението на СЗО.

Во препораките на СЗО се вели дека „придобивките од овие вакцини со спречување на смртни случаи и хоспитализација поради СОВИД-19 во голема мера го надвладуваат ризикот од миокардитис и перикардитис. Поради тоа, примете ја вакцината кога доаѓа времето за дозата“.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар