ЈП „Пазари“  денеска комплетно го изми Новиот реонски пазар во Битола. Поради настанатата ситуација со коранавирусот ЈП „Пазари“ во изминатите неколку дена ги дезинфицира и ги изми двата пазари Градскиот зелен пазар и Новиот реонски пазар, како и управната зграда на ЈП „Пазари“ и објектите со кои стопанисува. 

Привремено се  затвора добиточниот пазар во Битола со кој стопанисува ЈП Пазари-Битола. 

Агенцијата за храна и ветеринарство донесе решение во кое стои дека поради состојбата со корона вирусот се забранува работењето на сточните пазари и собирните центри.

Во решението на Агенцијата стои дека сите животни кои ќе се најдат во промет без сертификат за здравствена состојба на животните или не се идентификувани ќе бидат одземени убиени и нештетно отстранети без надомест за настанатата штета , односно на трошок на одгледувачот , стои меѓу другото во решението од АХВ. 

-Во насока на почитување на препораките на Владата на Република Северна Македонија за превенција и спречување на ширењето на КОВИД 19 вирусот, Агенцијата за храна и ветеринарство донесе одлука и решение за забрана на работа на добиточни пазари.