По врвиците на некогашните комитски чети од Смилево, Полициско-спортскиот планинарски клуб „7 Мај“ го одржа 11 традиционален планинарски марш „Смилево 2022“. На него учествуваа 70 планинари кои испешачија 18 километри движејќи се по патеката на првите македонски стражи формирани за време на Смилевскиот конгрес во 1903 година. Токму од тој историски настан корени влечи и Денот на македонската полиција кога традиционално ПСПК „7 мај“ го одржува планинарскиот марш. Овој пат ја минаа релацијата од превојот Ѓавато до врвот Пирамида, па чешмата Гопеш се до село Смилево. За разлика од некои претходни маршеви минати во дожд, денес временските услови беа идеални, со сонце и малку ветер.

Ж.З.

Лошото време пропратено со студ, магла и дожд не ги поколеба планинарите од Полициско- спортскиот планинарски клуб „7-ми Мај“ да го изодат осмиот традиционален планинарски марш „Смилево 2019“. Движејќи се по патеките по кои некогаш и војводите со комитите пристигнале во Смилево на познатиот Смилевски конгрес во 103 година, планинарите го одбележаа 7-ми мај, Денот на полицијата.

По повод Денот на полицијата и безбедноста 7-ми мај, Полициско спортскиот планинарски клуб
„7-ми Мај“ од Битола го организира осмиот традиционален планинарски марш „Смилево 2019“.
Маршот ќе се изведе оваа недела од шест часот наутро до 16 часот попладне, на релација Битола – превој Ѓавато(Дервен) – пл.врв Пирамида – чешма Горановец- с.Смилево – Битола.

Собирањето на учесниците на маршот е во времето од 06.оо до 06.15 часот кај фонтаната пред СВР Битола и превезување на истите со автобус до превој Ѓавато (Дервен).Стартот на маршот е во 07.оо час. Враќањето од Смилево до Битола е предвидено во 16.00 час.

Од страна на организаторот е обезбеден ручек во село Смилево.

Од ПСПК „7-ми Мај“ порачуваат сите учесници на маршот да бидат во добра психофизичка кондиција. Задолжително е користење на планинарска опрема и облека, задолжително и облека против дожд. Патеката е средно тешка, маркирана и во должина од 18 километри.

Седми мај се слави како Ден на полицијата зашто на овој ден на Смилевскиот конгрес во 1903 година биле формирани и првите полициски чети за обезбедување конгресот.