На површина од 800 метри квадратни, во населбата Довлеџик, партерно се уредува патеката во близина на Црквата „Свети Архангел Гаврил“. За подобрување на условите во овој дел на градот, општината, вложува 1.750.000 денари.

Изминатите неколку месеци, завршено е партерното уредување и на улиците „Вера Циривири Трена“, „Булевар 1 Мај“ (во близина на Сточен пазар), како и на патека на улицата „Железничка“. На овие три улици, уредена е површина од 780 метри квадратни, за што општина Битола издвои 1.000.000 денари.

На Светскиот ден на физичката активност градоначалничката, Наташа Петровска, најави реконструкција на петеката на Тумбе Кафе до Зоолошката градина, за што проектот е веќе изготвен. Во овој дел на градот има многу граѓани рекреативци, посебно во овие услови на пандемија, кога се затворени фитнес центрите и другите објекти за физичка активност.