АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
По масакрот што го извршија врз дрвјата стари и по 40 години, ги повикуваме градоначалникот Тони Коњановски и советниците од ДПМНЕ, да се вратат тука, кај Ветеринарното и од местото на злосторот да и објаснат на битолската јавност:
- Врз основа на кој проект Комуналец ги исече дрвјата? На оној стариот од 2015 година, нацртан од Владимир Талески за кој сите советници, освен советниците на ДПМНЕ, побараа ревизија или има некој нов проект за кружниот тек што ќе се гради тука?
- Коњановски и советниците од ДПМНЕ да го донесат проектот врз основа на кој се исекоа дрвјата за да може сите битолчани да видат за што ќе се потрошат 200.000 евра од нивните пари!
- Дали општинскиот инспекторат за животна средина даде дозвола да се исечат дрвјата кај Ветеринарното? Ја повикуваме инспекторката Јулијана Ивановска да ја објави одлуката со која го дозволила тоа.
Коњановски и ДПМНЕ се најголемото разочарување за Битола и битолчани! За година и пол власт докажаа дека имало и полошо од Владимир Талески. Тоа што Двојче не успеа, сега Коњановски го довршува. Матрицата е иста!
За една и пол година власт, Коњановски потроши над 50 милиони евра, а ништо не изгради во Битола! Напротив, Коњановски и ДПМНЕ рушат гаражи, рушат трафики, сечат дрвја... Окупатори да беа, немаше толку зулум да направат во Битола!
