Кривичните пријави се поднесени за изградба на атмосферска и фекална каналзиација, реконсрукција на централен парк во Могила, реконструкција на училиници и санитарен јазол во ОУ „Гоце Делчев“ и догвор склучен меѓу Центарот за развој на пелагонискиот плански регион и Општина Могила, а според документите, Гулевска тврди дека предизвикана е штета од 19 милиони 479 илјади 435 денари. Таа на денешната прес конференција побара да профункционира правната држава.

-После 27 месеци нема никаква разврска, јавноста, граѓаните на општина Могила немаат информација што се случува со овие пријави и зошто нема разрешница.Очигледно е дека структурите од остатоците од сваровски судството и обвинителството ја опструираат правдата на секое ниво. Ова е само уште еден доказ за потребата од прочистување и темелни реформи во правосудството. Граѓаните очекуваат и бараат брза институционална реакција, правда и одговорноост за сите. Процесите мора да добијат правен епилог, правдата мора да биде задоволена, а секој оној за кој ќе се докаже дека сторил криминал, да одговара, рече Гулевска.

Таа го повика Основното Јавно Обвинителство да ги процесуира поднесените кривични пријави, а општината ги става на располагање сите ресурси во целост на функција на задоволување на правдата.