Webp.net gifmaker

ВМРО ДПМНЕ набавката на фотоволтаиците во "Пазари" ја нарече скандалозна, од ЛДП им одговорија да се извинат за 12 годишното пустошење на градот

Март 26, 2021

Јавната набавка за фотоволтаиците на ЈП Пазари, од ВМРО ДПМНЕ денеска ја нарекоа скандалозна и обвинија за злоупотреби. Од ЛДП му одговорија пред да зборуваат за злоупотреби, од ВМРО ДПМНЕ да се извинат за 12 годишното постушење на градот.

 

-Директорот на ЈП Пазари Владе Атанасовски е должен да одговори на “случајности“ во врска со оваа набавка, објавена од страна на претседателот на Советот на Општина Битола, Валентин Груевски, како вработен во ЈП Пазари и партиски шеф на директорот  Атанасовски. Дали во објавената јавна набавка на ЈП Пазари е претходно прикажана проценетата вредност на набавката согласно планот за јавни набавки на Претпријатието? Дали и покрај тоа што не е објавена проценетата вредност на јавната набавка се јавува само една фирма која „случајно“ ја погодува проценетата вредност до денар односно 1,100 000 денари. За да биде сомнежот уште поголем договорот за оваа јавна набавка е склучен на 1,298,000 денари што говори за злоупотребата на службената положба од страна на директорот Владе Атанасовски бидејќи склучил договор далеку над вредноста утврдена со планот за јавни набавки и тендерската документација, обвиниви Никола Котевски, секретар на ОК на ВМРО ДПМНЕ.

Тој изрази сомнеж дека фаворизирана е  фирмата која се јавила на јавната набавка  во сопственост на поранешниот советник од СДСМ Благојче Котевски и го повикаа Атанасовски да си поднесе оставка.

 

Од ЛДП  порачаа дека ВМРО ДПМНЕ со вакви деструктивни политики ќе остане опозиција и по октомври

 
"Почитувани поранешни поддржувачи на Талески. Луѓето кои до последно го бранеа "Транспортерот" сега зборуваат за ,,злоупотреба на службена положба". Можеби ќе беше најдобро најпрво да се извинат за 12 годишното пустошење на градот, а потоа да зборуваат за она што другите го работат. Ви благодариме што ја препознавате успешната приказна на Пазари. Знаеме дека фотоволтаиците ви пречат, покривањето на пазарот пречи новото греење, лед осветлувањето, новата фасада, ама немоќни сме да Ви помогнеме, ако сами не сакате да си помогнете, наведуваат од ЛДП.
 
Ги потсетуваат во ВМРО ДПМНЕ дека за време на нивното владеење од ЈП Пазари се плаќале партиски забави
 
"Се разбира комитските вечери платени од Пазари, пред неколку години  не ви пречеа. 
Не можевме да претпоставиме дека на една прес- конференција може да се изнесат толку многу незнаење и толку промашени мети. Ви предлагаме и понатаму да продолжите да ги афирмирате успешните политики и истите да ги промовирате кај вашите членови и вашите социјални медиуми. Знаеме дека во Вмро-Дпмне има и повеќе знаење и повеќе разбирање и на економија, и на јавни набавки, и на политика. За нивна жал, со ваква деструктивност и вакво незнаење и после октомври како иднина им останува длабоката опозиција, одговорија од ЛДП
 
 
Сподели

Login to your account

Username *
Password *
Remember Me
© 2021 АПЛА.мк. Сите права се задржани