АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Синоќа во Офицерскиот дом во Битола, како што беше најавено на средбата помеѓу градоначалникот на општина Битола Тони Коњановски и заменик градоначалникот на Бат Јам, Ури Бускила,се одржа настанот „Бат Јам – ќерката на морето“, своевидна музичка и видео разгледница, преку која беше претставен израелскиот град Бат Јам, во изведба на гостите од Израел.
Пред присутните се обратија градоначалникот на општина Битола Тони Коњановски и заменик градоначалникот на Бат Јам, Ури Бускила. Тие уште еднаш ја потенцираа заедничката заложба за продлабичување на соработката помеѓу двата градови и целта да ги зајакнат мостовите на заедништво и соработка на повеќе полиња.
Бат Јам е медитерански град, во кој живеат битолски и македонски семејства кои се доселиле во градот во 50-тите и 60-тите години на минатиот век. Меѓу нив е и семејството на д-р Хаим Абраванел.
