АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Тројцата советници од независната листа ПОИНАКУ (Габриела Илиевсак, претседател на Советот на Општина Битола, Иван Чулакоски - советник и Алмир Адемовски- советник) денеска упатија своевиден ултиматум до раководството на ЈКП „Нискоградба“ Битола во кое во главно бараат чистење на одводните шахти и накрај напомена дека барањата се однесуваат до директорот на претпријатието Зоран Талевски за кого велат дека повеќе пати бил известен од нивна страна да ги санира состојбите, а сега доколку не постапи по нивните барања ќе инцираат негово разрешување.
Во продолжение интегрално сооптението на ПОИНАКУ; преземено од нивата Фб страница
КЈП Нискоградба-Битола
Редовна слика - поплавени улици во Битола по летните дождови во изминатите неколку денови. Со оглед на тоа дека станува збор за постоечки проблем за кој не сте презеле никаква активност за да го превенирате, а согласно законските и статутарните обврски е во Ваша надлежност, ги доставуваме до Вас следните:
БАРАЊА,
по кои очекуваме да постапите веднаш по приемот, итно и без одлагање!
Раководните лица на КЈП Нискоградба Битола во рок од 3 дена да донесат одлука за формирање на посебни екипи за редовно чистење и одржување на шахтите низ градот, како и за проценка на нивното ниво на собирен капацитет и пропусност.
Во следните 3 дена КЈП Нискоградба да започне со чистење на коритото на реката Драгор, за кое се одобрени финансиски средства од Буџетот на Општина Битола.
Исто така бараме во истиот рок КЈП Нискоградба да започне со градежните работи на локацијата предвидена за Нов градски парк во нова Битола, за што исто така се обезбедени финансиски средства од Буџетот на Општина Битола.
Барањето е доставено и до Управниот и Надзорниот одбор на КЈП Нискоградба Битола, од кои бараме да го следат постапувањето по горенаведеното и да достават Извештај до Советот на Општина
Битола ( од каде се членовите избрани ) за динамиката на спроведувањето.
Доколку барањата не бидат исполнети, без одлагање ќе предложиме до Советот на Општина Битола разрешување на сите актуелни членови на Управниот и Надзорниот одбор на КЈП Нискоградба, како и разрешување на директорот од страна на градоначалникот, за што ќе поведеме и постапка за нивна одговорност и пред други надлежни институции.
Напомена: горенаведеното го побаравме од директорот на KЈП Нискоградба повеќе пати, меѓутоа очигледно е дека потребите на битолчани не се сфатени сериозно.
