Интегрален текст од реакцијата на ОК на ВМРО ДПМНЕ Битола на прес конференцијата на СДСМ Битола

 

Толку многу, се му е измешано на локалциве од СДС, хаос.

Им останува само губитничкиот крај на централно ниво - страшно ќе бидат поразени на претстојните избори, така се повеќе не знаат ниту што прават, ниту што бараат.

Останаа само константа во опструкциите и штетата што и ја нанесуваат на Битола.

Целата ситуација во која се притиснати и ошумоглавени, очајот, безнадежноста и изгубеноста, замислете почитувани, ги тера да бараат оставки од градоначалникот Коњановски, заменик градоначалникот - Бојковски, советникот - Ѓорѓиевски и секретарот во општината Димитровски, потполно заборавајќи дека поминато е времето кога се гази и се испревртува јасно изразената волја на граѓаните, дека премиерувањето на Таче, а и ова на техничкиот Ајнштајн Талат Џафери им е последното понижување и вулгарно негирање на волјата на мнозинството граѓани.

Срамота е во отсуство на аргументи и нешто паметно да кажете, токму вие да барате оставки и уште еднаш јавно ве повикуваме, без причина и без аргументи немојте да го загадувате јавниот простор и не ги малтретирајте граѓаните, на кои овие седум години им ја извадивте душата.

Ги пониживте, економски ги уништивте, ги избркавте и ги иселивте, сега и ги заробивте и на добар пат сте да направите гето од Македонија, ама цела среќа што не ви остана време и заминувате.

Хипокризијата во која сте западнале, а од која страда и вашата моментална министерка за култура, инаку битолчанка нема крај. Тоа се потврди и со распределбата на средствата од Министерството за култура.

И да, точно е, се согласуваме, парите не ги добиваат Тони и Борче, ама и Бисера не ги дели парите од својата приватна сметка. Тоа се пари на граѓаните - даночни обврзници.

За жал, СДС, никогаш не биле достоен “каршилак”, ниту како опозиција, а уште помалку како власт!

Срамота е СДС да изразуваат лажна грижа сега, а кога поедноставно и најлесно беше да гласаат во Советот и да застанат на страната на битолчани.

Уште посрамно е грижата, лицемерието и манипулациите во однос на европскиот проект Smart4You2 и барањето одговорност и оставки од градоначалникот Коњановски и секретарот Димитровски.

Проѕирно е многу, освен заканите со кривични СДС, друго не знае да зборува.

Остана уште многу малку време и тоа ќе заврши, а СДС и нивниот газда ДУИ не можат повеќе да се кријат од граѓаните и да ги уценуваат!

 

Објавено од А.Б