Реализацијата на проектот за реконструкција на спортските игралишта кај ОУ „Елпида Караманди“, се одвива согласно предвидената динамика. Деновиве, интензивно се работи на ископ и гребење на стариот и значително оштетен асфалт, а отстранети се и оградите. На овој начин, се овозможува соодветно прилагодување на теренот за изградба на новите терени за фудбал, кошарка и одбојка, како и фитнес зона и патека за трчање. Овој проект, произлегува од заложбата на локалната самоуправа за создавање на подобри услови за спортување за учениците и младите и развивање на нивниот спортски и натпреварувачки дух.