Германската секција при ОУ „Даме Груев“ Битола, организира уметничка презентација на Сказните на Браќата Грим, на која ученици од повеќе училишта од градот презентираат на германски и македонски јазик. 

-Денеска се одржа настанот „Сказните на Браќата Грим“ во организација на Германската секција при ОУ „Даме Груев“ Битола со наставничките Симеона Павловска и Данијела Босилковска. На настанот учениците од ОУ „Даме Груев“ , ОУ „Тодор Ангелевски“ , ОУ „ Коле Канински“ и ОУ „ Стив Наумов“ преку куклена претстава, драмска изведба, танц и презентација на германски и македонски јазик го презентираа ликот и делото на Браќата Грим. Настанот се одржа во НУ Универзитетска библиотека „Св. Климент Охридски“ Битола. На настанот беа присутни и учениците од Германската секција при СОЕУ „Јане Сандански", не информираше наставничката по германски јазик Симеона Павловска.