АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јован Деспотовски, кандидат за претседател на СДСМ, вечерва беше на средба со битолското членство на СДСМ. На неговиот Фејсбук профил објави впечатоци од средбата со сопартијците, порачувајќи им дека секој од нив е важен за партијата. Извори од партијата велат дека на средбата се појавиле членови кои своевремено биле „блиски“ по убедување и во соработка до Радмила Шекеринска, која пак, во неколку наврати беше носител на патеничката листа на СДСМ во Петката и важи за добар познавач на членството во Битола. Во меѓувреме од наши извори дознавме дека во исто време на средба во ОО на СДСМ бил и досегашниот генерален секретар на партијата Миле Зечевиќ, па присуството на членството било поделено, на двете средби.
-Битола е жедна за промени! Битолското, но и членството низ цела Македонија бара дисконтинуитет од досегашните политики и сака нов СДСМ.
Партиските другари се погласно бараат ново раѓање на партијата. Нашата програма е напишана токму со таа цел!
Ви благодарам битолчани што ни овозможивте да се чувствуваме како дома. Благодарност за одличните идеи и многу корисни предлози.
Секој член е важен! Регистрирајте се онлајн со вашиот матичен број (ЕМБГ) или број на членска карта на сајтот на партијата и гласајте дали сакате продолжување на досегашните политики или сакате НОВ ПОЧЕТОК, напиша Деспотовски.
