АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Три ученички од Гимназијата „Јосип Броз Тито“ - Битола, Ана Марија Вељковиќ, Матеа Ѓоревска и Ангела Талева под менторство на професорката по бизнис и еконимски предмети, Фанија Наумовска, од 8-11 октомври учествуваа на Четвртиот форум за жени и девојки во СТЕМ кој се одржа во Будимпешта, Унгарија.
-На Форумот му претходеше учество на меѓународен ученички предизвик поставен од организацијата Girls go circular EU, каде тимот разви своја идеја за алатка за вештачката интелигенција, која ќе помогне во премостувањето на родовиот јаз во STEM. Притоа беа избрани за тим кој ја имаше најдобрата иновативна идеја од Македонија и беа поканети да учествуваат на Women and Girls in STEM Forum и да ја претстават нашата земја во Будимпешта.
Форумот за жени и девојки во СТЕМ е годишен водечки настан кој го слави успехот на иницијативата Girls Go Circular, во соработка со Европскиот институт за иновации и технологија (EIT) и Европската комисија (DG-EAC), соопштија од Горната гимназија.
