АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
На раководна функција на Основното училиште со ресурсен центар „Кочо Рацин“ - Битола како вд директор е назначена Драгана Кирковска, дипломиран специјален едукатор и рехабилитатор и стручно лице од редот на вработените во институцијата.
Кирковска доаѓа во период кога вработените неколку месеци наназад се жалеа на раководењето на доскорешната директорка Валентина Стојковска и на доцнењето на платата, па во еден момент излегоа и на мирен протест во кругот на училиштето со цел да го искажат незадоволството од раководството.
Кирковска своето четиригодишно средно образование го стекнува во општинското средно медицинско училиште „Д-р Јован Калаузи“ во Битола, а своето високо образование го завршува во 2011 година на Универзитетот „Св. Кирил и Методиј“ во Скопје на Институтот за специјална едукација и рехабилитација.
Подоцна ги продолжува своите магистерски студии на насоката за оштетување на слухот.
Работното искуство во Основното училиште со ресурсен центар „Кочо Рацин“ го започнува во 2012 година како специјален едукатор и рехабилитатор на воспитна група во дневниот престој каде престојуваа ученици со посебни потреби.
По неколку години станува лиценциран Неурофидбек терапевт и својата работа ја продолжува во кабинетот за индивидуални третмани со Неурофидбек терапија, се до денес.
