Се што треба да имаат за електронската регистрација е валидна меил адреса, по што следната година ќе немаат обврска да поднесат Годишна даночна пријава, туку сите пресметки за претходната година ќе ги изработува УЈП. Потоа УЈП  во мај 2019  даночната пријава  ќе ја испрати електронски до граѓаните. Тие ќе треба да ја потврдат точноста на податоците или да ги корегираат и повторно електронски да ја вратат Годишната даночна пријава во УЈП.

-Денекса во Регионалната единица во Битола го промовираме новиот многу значаен проект е-персонален данок од доход , кој претставува сериозна новина и реформа во рамките на севкупното работење на УЈП. Во тој контекст мислам дека суштината на целиот овој проект е во тоа што им се олеснува на граѓаните,  така што наместо да доаѓаат и лично да ги доставуваат обрасците за оставрен приход за претходната година во УЈП, сега им овозможувме  преку електронкса форма, со регистрација во e-pdd.ujp.gov.mk  да ја оставрат таа своја обврска, рече Фарух Имери, помошник на генереалниот директор на УЈП.

Обврска за регистрација во системот имаат сите физички лица кои оствариле приходи по кој било основ – плата, регрес за годишен одмор, приходи од закуп, добивка од игри на среќа, од странство, пензија и други приходи кои подлежат на оданочување со персоналниот данок на доход. Денес при почетокот на кампањата во Битола, се регистрираа ракометарите на „Еурофарм Работник“, остварувајќи ја оваа законска обврска

-Ракометниот клуб „Еурофарм Работник“  денес  се регистрираше во УЈП, со што ја остваривме оваа законска обврска. Сметам дека сите граѓани треба да го поддржиме овој современ начин, кој е многу лесен и ефикасен. Апелираме сите оние кои не се регистрирале да си ја завршат својата граѓанска должност, рече Гоце Ојлевски, ракометар во РК „Еурофарм Работник“.

Од УЈП велат дека им стојат на располагање на граѓните  од секој аспек, формирани се и мобилни екипи, а сите вработени се ставени во функција а имплементација на овој проект. Од таму потврдија дека се уште се разгледува можноста, пезинерите, кои не оставриле дополнителни приходи освен пенизјата, да бидат ослободени од обврската за електронско регистрирање во системот на УЈП.