„Оваа донација ја изведуваме затоа што во 2017 година имавме потреба од помош во проектите кои што ги изведувавме во Заводот за деца со оштетен слух и говор „Кочо Рацин“ и наидовме на голем проблем, а вработените во „Нискоградба“ многу ни помогнаа. Тогаш јас ветив дека ќе се потрудам да најдам соодветни чевли кои ќе одговараат за нивната работа. Денес со гордост сакам да им ги предадеме чизмите на вработените, чизмите се специфични, од Шведска, со највисок квалитет и се наменски за овој тип на работа. Му се заблагодаруваме на сите работници и на директорот од „Нискоградба“ за помошта, како и за поддршката од Општина Битола која ја добиваме, за да можеме да ги реализираме проектите и да одиме понатаму со нашата работа“, истакна Марија Росенгрен.

Директорот на КЈП „Нискоградба“ Методи Сијлановски изрази голема благодарност до оваа невладина организација.

„Голема благодарност до Томас и Марија, кои денес ни донираа ХТЗ чизми за работниците. Се надеваме дека оваа соработка ќе продолжи и понатаму и во други области кои се важни за КЈП „Нискоградба“. Ние вршиме редовна набавка на ХТЗ чизми за работниците и за останатите вработени, но со оваа донација ќе се направи одредена заштеда во нашето претпријатие и тие средства ќе ги пренамениме за други основни потреби за работниците и за нивната заштита при изведба на градежните работи на терен“, рече директорот на КЈП „Нискоградба“ Методи Силјановски.

Марија и незјиниот сопруг Томас Росенгрен, преку невладината органзиација „Од рака на рака“ имаат релаизрано голем број донации во Битола, во училишта и други установи, но и пошироко низ цела Македонија.