АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Роден бил во Мехомија /денешен Разлог/ на 1 јули 1909 г.
Како ученик во средно-техничко училиште во Софија, станал член на бугарската младинска комунистичка организација. Се вратил во родниот крај и ја обновил партиската организација на БКП. Водел борба против врховистичката ВМРО на Иван Михајлов. Бил уапсен во 1933 г. и бил осуден на 15 г. затвор. Во затворот раководел кружоци и држел предавања за националното прашање, посебно за македонското. По излегувањето од затвор во 1941 г., станал еден од главните комунистички активисти и организатор на партизанските единици во Пиринскиот дел на Македонија.
Во летото 1941 год. ја организирал првата партизанска група во Пиринска Македонија. Од септември 1941 г. бил секретар на Окружниот комитет на БКП, а подоцна бил и член на Штабот на 4. востаничка оперативна зона (ВОЗ). Се застапувал за заедништво на партизанските движења од трите дела на Македонија.
Загинал во заседа од војската и полицијата. Под неговото раководство во 1943 год. формиран Разлошкиот партизански одред „Јане Сандански“. По неговата смрт Разлошкиот партизански одред го носел неговото име.
подготвил: д-р Александар Литовски, историчар
