СВР Битола чува 13 лица  кои се во изолација  поради тоа што биле во контакт или во близина со луѓе болни од корона, кажа на прес-конференција  министерот за внатрешни работи Наќе Чулев. На ниво на држава полицијата во моментов обезбедува 310 граѓани кои се во изолација.  

Освен Дебар и Жупа, кои се целосно под изолација, СВР Скопје моментално обезбедува 173 лица под изолација, СВР Битола 13, Тетово 16, каде што е констатирано едно прекршување на мерката изолација и за кое постапува ОЈО Тетово.  Натаму, СВР Охрид чува 82, Струмица 12 под мерка здравствен надзор. Едно лице од Струмица излегло од изолација своеволно, крим-полицијата го собрала и ќе му поднесе пријава. Во Куманово полицијата чува 6, во Штип 8 лица под изолација. Специјалните сили спречиле 14 обиди за напуштање на Дебар и Жупа без лекарска дозвола.

Чулев кажа дека според владината одлука, Скопскиот аеродром треба да се затвори за сообраќај во текот на утрешниот ден, среда.

МВР силно апелира до граѓаните да се воздржат од патување надвор од државата, а и да го ограничат собирањето во групи во текот на работниот ден.

МВР отвори бесплатна линија за сите активности на МВР: 080000201, која ќе работи секој ден 24/7.

На 15 март, рече Чулев, МВР евакуирало 90 заглавени наши граѓани по аеродроми во Европа. Полицијата ги обезбедува и лекарите, дотурот на пари во банки и терминали.