Почна изградбата на новата градинка во населбата Златен рид во старата битолска Касарна финансирана од германската фабрика „Кромберг и Шуберт“ и Општина Битола. Ова ќе биде првата градинка во Битола после период од 30 години што ќе се гради нова од темел. Фабриката за производство на кабли за автомобили „Кромберг и Шуберт“ има значајно место во битолската економија, вработува над 6.000 битолчани и работници од околните пелагониски општини и Преспа, пишува Независен.мк  https://nezavisen.mk/fabrikata-kromberg-i-shubert-i-opshtina-bitola-zaednichki-gradat-gradinka-vo-poraneshnata-kasarna/ 

-Новата градинка во поранешната Касарна ќе биде со капацитет од 260 деца, 13 занимални и сопствена кујна. Ќе биде изградена по најсовремени стандарди со запазување на сите енергетско-еколошки стандарди. Првиот дел се гради со заеднички средства на Општина Битола и ‘Кромберг и Шуберт’, а првичната инвестиција е 400.000 евра, од кои половината ги обезбеди германскиот инвеститор. Вториот дел ќе биди комплетно финансиран од Општина Битола“, изјави Валентин Груевски, претседател на Советот на Општина Битола.