Лаванда се засадува во Градскиот парк во Битола во леите околу новите садници од дрвја. За пролетното разубавување на паркот ЈКП Комуналец годинава се одлучи за лаванда, која по реакциите на битолчани кои утрово пешачеа во Градскиот парк, не само што е едно од најубавите растенија со впечатлива виолетова боја, туку ќе го намали и присуството на комарци во летните денови. Но, дали садниците од лаванда ќе го дочекаат летото зависи од градските „домаќинките“ дали ќе намислат садниците да си ги однесат дома, зошто лани ги сотреа цвеќињата од јавните површини низ градот без срам.