СДСМ за нецел мандат на чело на локалната самоуправа во Битола го промени ликот на битолските училишта. Не постои училиште во градот, основно или средно, каде изминатите три и пол години нешто не е реконструирано, заменето, обновено, изградено, изјави претседателот на СДММ Битола, Петар Николовски.

-Дополнително, исплатени се долговите на сите средни училишта во Битола кои ги остави ДПМНЕ

Во Медицинско минато се срамните слики од искрешен училишен инвентар и врати. Во Медицинско вратен е долгот од над 16 милиони денари и инвестирано е во фасада, нов мебел, дограма, осветлување, компјутери, нови нагледни средства, внатрешна реконструкција.

Во Таки Даскало, на пример, за три години, подмирени се долгови во износ од над 45.000.000 денари, а се вложуваше и се вложува во нов мебел, нови катедри, нов паркет, нови компјутери, нов покрив, нови нагледни средства.

Во Техничкото училиште реконструирани се кабинети, тоалети, покривната конструкцијата, заменета е дограмата, се реконструираат спортските терени, подовите во училниците.

Во Економското училиште комплетно се заменети вратите, осветлувањето, паркетот во сите училници, светилките во спортската сала, набавена е компјутерска опрема.

Во Земјоделското училиште реконструиран е покривот, спортското игралиште, ходниците, тоалетите, променети се прозорците.

Во Горната гимназија набавени се нови училишни клупи и столчиња, поставени се телевизори во осум училници, обезбедени се нови нагледни средства, компјутери, ново осветлување со спортската сала, а реконструктивните зафати продолжуваат со над 6 милиони денари, рече Николовски.

Toa е новиот лик на средните училишта во Битола во кој општината се вложи со средства и капацитет како ниту една локална самоуправа досега. СДСМ докажа дека со домаќинско и одговорно работење, со правилно менаџериње можно е да имаме подобри услови и за учениците и за професорите, порача Николовски.