Webp.net gifmaker

25 години од првиот концерт на ФОЛТИН

Август 23, 2021

ФОЛТИН, својот четврт век постоење викендов го одбележа со концерт на истата локација, на античкиот локалитет Хераклеја, каде што точно пред 25 години започна приказната за оваа музичка петорка од Битола, која се стекна со светска слава.



Концертот беше музичко патување низ сите албумски изданија на овој бенд, а е завршница на низата промотивни концерти кои Фолтин летово ги имаше низ Македонија и во странство, како дел од промоцијата на последниот албум "Симултан бакнеж".

Под ведро небо, на полна месечина, пред безмалку илјадна публика, и оние кои од почеток се почитувачи на музиката на Фолтин, но и многу нови генерации уживаа во тој музички омнибус кој само потврди дека овој бенд ќе остане со епитетот нај арт бенд на овие простори.

"Човек е роден да памети. Роден со дарба за сеќавање. А добрите спомени го вадат најдоброто од нас. Ги чуваме за да нé крепат подоцна, да нé потсетат на тоа што ни недостасува, на тоа што веќе го нема, а ние не можеме без него. Затоа, добрите спомени се слават.
Љубена битолска публико, ве каниме заедно да го прославиме сеќавањето на нашиот прв самостоен концерт со авторска музика, одржан на 16 август 1996 година, во Хераклеа. На овој 21 август, можеме да заклучиме само едно- четврт век е кратко за еден живот, но значајно долго за музички бенд и неговата верна публика" - напишаа на нивните социјални медиуми.

 

f1

f2

f3

f4

f5

f6

f7

f8

f9


f10
Фото галерија од концертот
Фотографка Кети Талевска

Сподели

Login to your account

Username *
Password *
Remember Me
© 2021 АПЛА.мк. Сите права се задржани