Универзитетскиот професор др. Томе Наумов, од Високата медицинска школа во Битола, вчера не успеал да го одржи закажаниот испит со студентите. Кога стигнал во својот кабинет му било соопштено дека веќе не работи во оваа установа, односно дека е пензиониран, и покрај тоа што ја искористил законската можност да продлжи да работи до 67 години, откако на 12 април наполнил 64, за што доставил писмена изјава до ВМШ.

Дури 32 деца кои работат на улици, односно просат се евидентирани преку проектот Психо-социјални и здравствени интервенции за деца од разнливи популации што се финансира преку ИПА фондовите за прекугранична соработка меѓу Северна Македонија и Грција.

Професорката Елизабета Попова Рамова која пред десетина дена доби отказно решение од Високата медицинска школа,  ја доби правната битка. Управниот суд, одлучувајќи по нејзина тужба  ја поништи одлуката со која ѝ беше одземено професорското звање од страна на Високата медицинска школа. Попова Рамова иако беше носител на студиската насока за физикална медицина  беше  отпуштена од работа откако Просветниот инспекторат постапувајќи по пријава за плагијат побара од Високата медицинска школа во Битола да ѝ го поништи звањето професор.

Професорката Снежана Стоилова обвинува дека на Високата медицинска школа во Битола веќе подолг период се работи незаконски, а изборот на наставен кадар со поништен конкурс и без обебедено потребно мнозинство е само дел од тие активности што се спроведуваат надвор од законот.

Група  професори од Високата медицинска школа во Битола го обвинуваат раководството за незаконски избор на наставник на  оваа високообразовна установа на УКЛО.