Денеска родителите на учениците од подрачното училиште „Тодор Ангелевски“ во населбата Стрелиште, по одржаниот родителски состанок, реагираа за проблемот со парното греење.

Поради дефект без парно затоплување остана дел од објектот на градинката „Естреја Овадија Мара“ во населбата Стрелиште во Битола каде покрај клонот „Колибри“ со 120 деца, на вториот кат потстанар е подрачното училиште „Тодор Ангелевски“ со 60 ученици. Директорката Лидија Тфирст Митревска вели дека ја известила општината веднаш кога се појави дефектот на системот, но се уште ништо не е преземено, па училниците од подрачното училиште се без затоплување, а постои опасност целосно без парно да останат и децата во занималните.