АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Мај 06, 2024
Интегрална изјава за проблемот со бездомните кучиња од денешната прес конференција на градоначалникот Тони Коњановски
Кривична пријава за градоначалникот Коњановски поднесоа советниците од СДСМ до Обвинителството
Јуни 27, 2023Советниците од СДСМ денеска до Основното јавно обвинителство поднесео кривична пријава против градоначалникот на Битола, Тони Коњановски, затоа што, како што наведуваат не ги потпишал одлуките од 27-та седница, кога беа изгласани разрешувања на членовите на Управните и Надзорните одбори во 6 јавни претпријатија.
СДСМ Битола ќе поднесе кривична пријава против градоначалникот Тони Коњановски за непостапување по одлуките на советниците за разрешување на членовите на управните и надзорните одбори на шест јавни претпријатија во Битола!
Во исто време, ќе поднесеме претставки до Државната комисија за спречување на корупцијата против советниците Сашо Никовски и Златко Лозановски од коалицијата предводена од ДПМНЕ!
Законот за локална самоуправа е јасен и дециден! Ако Коњановски смета дека одлуките на советниците не се во согласност со Уставот и законите, должен е во рок од седум дена да донесе решение и да го прати до Советот. Советниците го разгледуваат решението и одлучуваат по него. Ако советот ги потврди одлуките, Коњановски е должен да ги објави во службен гласник на општината и истовремено да поведе постапка за оценување на уставноста и законитоста на оспорениот пропис пред Уставниот суд.
Коњановски решение не донесе, туку одлуките ги чува во фиока. Коњановски час побрзо треба да сфати дека градоначалникот ги извршува одлуките што ги носат советниците, а не обратно!
Двајцата советници, пак, против кои ќе поднесеме претставки до Антикорупциската комисија гласале за точки на дневен за кои имаат судир на интереси!
Советникот Сашо Никовски не можел да гласа за точки кои се однесуваат на Водовод бидејќи таму работи неговата сопруга.
Советникот Златко Лозановски не можел да гласа за точки кои се однесуваат на Водовод бидејќи таму од пред неколку месеци е вработен брат му.
Според член 44 од Законот за локална самоуправа, член на Советот на може да учествува во процесот на одлучување за прашања во кои тој или неговиот брачен другар, дете или роднина до втор степен странична линија има финансиски или друг личен интерес.
Коњановски и ДПМНЕ ја претворија Битола во црна дупка во која не важат закони, туку нивната волја!
Ги повикуваме надлежните институции да постапат, да го утврдат и да го санкционираат башибозукот во општината!
-Уште една манипулација од градоначалникот Коњановски , затоа што тој проект за изградба на кружен тек кај Ветеринарното беше во програмата за економски развој, и ние велевме дека таму треба да има кружен тек, но не во габарит на фудбалско игралиште, кој што е непотребен и нефункционален, ќе го оштети зеленилото, кажавме јасно и гласно дека нема да дозволиме сечење на дрвјата. Ние ја поддржавме програмата за економски развој во која што ветуваат нова Противпожарна станица, мултифункционален спортски објект, се што опфаќа таа програмата, а тука е и кружниот тек. На 28 декември 2022 година, советничката група на СДСМ и коалицијата гласаа "ЗА" за амандман предложен од ДПМНЕ со кој требаше да се предвидат пари во буџетот за изградба на кружен тек кај Ветеринарното под услов проектот да биде ревидиран и да не предвидува сечење на дрвјата и зеленилото во околината. Тие ветија дека нема да биде истиот проект на Владимир Талески, кој што не го прифатија граѓаните, а го одби и Советот, беше стопиран, ветија дека ќе има нов проект. Градоначалникот Коњановски и советниците на ВМРО-ДПМНЕ поддржуваат проект на Владимир Талески, за кој ние сме на истиот став и тогаш и сега, тој проект не е добар, вели Борче Корелвски, советник од СДСМ
исечок од 22 Седница на Совет на Општина Битола (28.12.2022)
Најчитани
