АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јули 09, 2026
Анета Блажевска
Во Битола изградени три нови детски игралишта во месноста "Областа"
Ноември 25, 2025ИЗГРАДЕНИ ТРИ НОВИ ИГРАЛИШТА ВО ,,ОБЛАСТА"
Во месноста Областа, на улица „Нико Фундали“, изведени се три нови игралишта на вкупна површина од 629,27 м².
Комплексот содржи детско игралиште, мало кошаркарско игралиште и мало фудбалско игралиште. На детското игралиште е поставена соодветна урбана опрема и реквизити, а подлогата е изработена од дробеник (шљунак). Кошаркарското и фудбалското игралиште се опремени со модуларни подлоги и соодветна урбана опрема.
Вкупната вредност на договорот за реализација на проектот изнесува 2.666.219 денари.
Промоција на романот „Толку темно“ од Сашо Димоски во книжевниот клуб UTOPIA
Во среда, 26 ноември, со почеток од 19:00 часот, книжевниот клуб UTOPIA во Битола ќе биде домаќин на промоцијата на новиот роман „Толку темно“ на драматургот и прозен автор Сашо Димоски.
UTOPIA и овој пат останува верна на идејата книжевноста да се живее одблиску, како разговор, размена и заедничко искуство. Настанот е уште едно поглавје во програмата посветена на современата македонска литература, со акцент на автори кои имаат препознатлив, моќен глас.
Сашо Димоски е драматург, прозен автор и универзитетски професор, чии текстови одамна имаат сопствен пулс и препознатлива поетика. Неговите драми се играат на домашни и странски сцени, преведувани се на повеќе јазици, а прозата му е забележана со бројни критики и награди. Димоски важи за еден од најинтересните претставници на новата книжевна генерација, автор кој умее да ја спои драмската напнатост со прецизен, кус и силен јазик.
Романот „Толку темно“ не се движи по класични романескни правила. Наместо линеарна приказна, читателот следи патување на човек низ градови, векови и внатрешни состојби:
Троја. Рим. Константинопол. Амстердам. Париз. Мадрид. И, конечно тука, овде.
Книгата зборува за движење и припадност, за историјата што ја носиме во себе и за денешниот здив на градовите во кои живееме. Ликот станува мапа составена од сопствени доживувања, загуби и надежи, а јазикот на Димоски останува чист, точен и драмски концентриран, оној тип на проза што го повикува читателот да чита бавно, внимателно и повеќепати.
На промоцијата во UTOPIA Book Club публиката ќе има можност да го проследи разговорот со авторот во неформална, блиска атмосфера, да слушне читање на избрани фрагменти од романот и да се вклучи во отворената дискусија за темите на книгата и се разбира да ужива во книжевно дружење и писле промоцијата во духот на UTOPIA, каде литературата и градот се спојуваат во едно искуство.
На Пелистер ќе се маркира велосипедска и пешачка патека од Цапарска Пресека преку кањонот до селото Цапари
Ноември 24, 2025Соопштение од Општина Битола - јавен повик за стручна расправа и јавна презентација со јавна расправа
Ноември 24, 2025Ученичката Јана Китановска од Битола се закити со државна награда на литературниот конкурс на тема ,,Да ја доближеме правдата поблиску до граѓаните"
Ноември 24, 2025Градоначалникот Коњановски на меѓународен самит на градоначалници во Париз за јакниње на мерките против антисемитизмот
Ноември 24, 2025МЕЃУНАРОДЕН САМИТ НА ГРАДОНАЧАЛНИЦИ ВО ПАРИЗ ЗА ЗАЈАКНУВАЊЕ НА МЕРКИТЕ ПРОТИВ АНТИСЕМИТИЗМОТ
Градоначалникот на општина Битола Тони Коњановски и секретарот на општината Борче Димитровски, беа дел од Самитот на градоначалници против антисемитизмот, кој се одржа во Париз.
Самитот, со кој претседаваше градоначалничката на Париз Ан Идалго, ги обедини градските лидери, креаторите на политики и претставниците на заедниците, во нивната заедничка мисија за активно спречување и сузбивање на антисемитизмот во сите негови форми. Настанот претставува значајна платформа за акција, дијалог и размена на искуства, нагласувајќи ја клучната улога на градовите во заштитата на граѓаните и унапредувањето на квалитетот на заедничкиот живот.
Во рамките на програмата, учесниците активно учестваа во панел-дискусиите и работните сесии фокусирани на практични стратегии, успешни локални иницијативи и специфичните предизвици со кои се соочуваат општините при справувањето со омразата и дискриминацијата. Градоначалниците и општинските лидери ги споделија своите практични искуства, политички пристапи и дискутираа за можностите за прекугранична соработка која може да ја зајакне едукацијата, безбедноста и довербата во заедницата.
Самитот имаше за цел да го поттикне развојот на заеднички решенија, да ја засили солидарноста меѓу градовите и да ја нагласи важноста на локалното делување во борбата против антисемитизмот.
Во рамките на посетата на Париз, градоначалникот Коњановски и секретарот Димитровски остварија средба со амбасадорот на Македонија во Франција, Игор Николов, во македонската амбасада.
МВР го спречи одигрувањето на претставата ,,Жиголо" во Битолскиот театар, од таму напишаа дека "системот го киднапираше театарот"
Ноември 23, 2025(Фото)Во Битола бројни верници ги пречека светите мошти на Света Недела во црквата "Света Недела"
Ноември 23, 2025Бројни православни верници од Битола на Света Божествена Литургија во храмот „Света великомаченичка Недела“-Битола, утрово ги пречека моштите од Светата Великомаченичка Недела и се поклонуваат пред нејзините свети мошти. Моштите ќе останат трајно во храмот. Постапката за носењето на моштите започнала пред неколку години, кога со благослов на Митрополитот Петар, битолската црква „Света Недела“ ја посетил свештеникот Рафаил – Холанѓанец, кој служи во цариградската Диецеза во Холандија. Отецот Рафаил и претходно на целивање ги донесе моштите на Свети Никола, кои престојуваа во битолскиот храм неколку недели. Црквата сега го подготви кивотот – дрвено ковчеже во кое реликвијата ќе биде изложена трајно во храмот „Света Недела“ во Битола. Со светата литургија чиноначалствуваше старешината на храмот, протоереј Николче Неделковски, во сослужение со протоереите Стеван Здравевски и Крсте Тасески, а помагање имаше и од ѓаконот Михаил Атанасов. Се отслужи Воскресна утрена и литургија.
Најчитани
