АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јули 09, 2026
Анета Блажевска
Во рамки на светските одбележувања за 150 години од раѓањето на Морис Равел, Europe House Bitola, заедно со Alliance Française – Битола, Institut Français – Скопје и Почесниот конзул на Франција во Битола, создаде концертно доживување што ги спои класичниот звук и современата електронска призма во една заедничка линија. 
Равел — механичкиот ум на постоењето, ум што мислеше во пулсови, структури и повторувања — одамна се смета за тивкиот татко на електронската музика. Во тој дух, преку минималистичка визуелна приказна и суптилно електронско преосмислување, публиката беше поканета да го „расплете“ неговиот свет од нов агол.
Ова е само почеток. Europe House Bitola ќе продолжи да создава формати што го истакнуваат талентот на нашите локални и исклучителни уметници, позиционирајќи го нивниот глас уште подалеку на европската културна мапа. 
ЗАМЕНИК АМБАСАДОРОТ НУПНАУ И ГРАДОНАЧАЛНИКОТ КОЊАНОВСКИ РАЗГОВАРАА ЗА ЕУ ПОДДРШКАТА НА БИТОЛА 
Во рамките на посетата на Битола, заменик амбасадорот на Делегацијата на ЕУ Бен Нупнау оствари официјална средба со градоначалникот на општина Битола, Тони Коњановски.
Двајцата соговорници разменија информации и мислења за европските проекти што во моментов се реализираат во општина Битола со поддршка на ЕУ преку различни програми. Посебен акцент беше ставен на тековните инвестиции, нивното значење за локалниот развој и потенцијалот за отворање нови можности за граѓаните.
Разговорот се фокусираше и на продлабочувањето на соработката меѓу Европската Унија и општината, како и на заклучоците од Извештајот за напредокот на Македонија во процесот на евроинтеграции. Средбата заврши со заедничка оценка дека континуираната поддршка и партнерство се од клучно значење за успешното спроведување на реформските процеси и развојните иницијативи во Битола.
ВО БИТОЛА ОДБЕЛЕЖАНА 81 ГОДИШНИНАТА ОД ФОРМИРАЊЕТО НА ПРВАТА ЕГЕЈСКА МАКЕДОНСКА УДАРНА БРИГАДА
Со полагање свежо цвеќе и пригодна церемонија денеска во Битола беше одбележана 81-годишнината од формирањето на Првата егејска македонска ударна бригада. Пред спомен-плочата кај ТППЕ Битола почит оддадоа градоначалникот Тони Коњановски, претседателот на Советот на општина Битола Бојан Бојкоски, претставници на Советот на општината, здруженија на граѓани, политички партии и гости.
Комеморацијата беше организирана од Сојузот на здруженијата на Македонците и децата бегалци од Егејскиот дел на Македонија – МАКЕДОН, како и од Здружението на Македонците од Егејскиот дел на Македонија од Битола, со поддршка од Општина Битола.
Првата егејска македонска ударна бригада, формирана за време на Втората светска војна, беше расформирана на 2 април 1945 година, при што боречкиот состав беше распореден во други единици. Голем дел од борците подоцна се вратија во Егејскиот дел на Македонија, каде што ги формираа првите одреди на Народноослободителниот фронт (НОФ). Подоцна тие станаа дел од единиците на Демократската армија на Грција, повторно покажувајќи исклучителна посветеност и пожртвуваност во борбата за национални и социјални права и слободи.
Пратеникот Пеце Милевски - 15 милиони евра за 80 проекти за Битола додели Владата на ВМРО -ДПМНЕ на двата јавни повици
Ноември 17, 2025Битола доби поддршка за 80 проекти од двата повици во вредност од 15 милиони евра, истакна пратеникот од Битола Пеце Милевски на расправата за предлог буџетот за 2026 година.
Со средства од Владата се овозможува финализирање на изградбата на новата Пречистителна станица за Битола во висина од 40 милиони евра.
Милевски вели дека од голема важност за Битола и регионот е изградбата на автопатот Битола - Прилеп кој ќе овозможи забрзување на економскиот развој на целиот Пелагониски регион, но и ќе овозможи значително поголема безбедноста за возачите и воопшто учесниците во сообраќајот. "Покрај за понижувања и срам, рушење на националното достоинство и клучните интереси на државата, високата корупција, граѓаните во 2024 со нула ја оценија и во делот на економијата поранешната влада предводена од СДС и гласаа како што заслужија.
Тешкиот предизвик за стабилизирање на државата успешно помина со ребалансот во 2024 и Буџетот во 2025 година.
Потоа следуваше, на задоволство на сите - период на стабилизација", напоменува Милевски.
Пртаеникот од собраниската говорница нагласува дека за прв пат имаме Влада која вистински се грижи за рамномерен регионален развој - подеднакво за сите општини, како и тоа дека во овој предлог - буџет многу се внимава на мерките за намалување на сивата економија и зголемувањето на наплатата на буџетските приходи. "Сето ова нема да биде возможно ако предлог - буџетот за 2026 не се темели на главните фискални принципи, а тоа се одржување на макроекономската стабилност и поддршка на економската активност.
И со овој предлог - буџет многу се внимава на мерките за намалување на сивата економија и зголемувањето на наплатата на буџетските приходи.
Предлог - буџетот е втемелен на реални проекции, а тоа значи испланирани приходи врз реалните можности, а расходи исклучиво насочени кон стратешките приоритети", истакна пратеникот Милевски во својот говор. 
Отсекот за превенција при СВР Битола - Стоп за смртта на патиштата
Ноември 17, 2025„Заедно со одговорно однесување во сообраќајот, да придонесеме за патишта без жртви“ – превентивна активност на СВР Битола.
Полициски службеници од Отсекот за превенција при СВР Битола, во содејство со полициски службеници од Полициска станица за безбедност на патниот сообраќај Битола и со претставници од РСБСП, по повод Светскиот ден за сеќавање на жртвите од сообраќајни незгоди, ја започнаа кампањата под мото „Заедно со одговорно однесување во сообраќајот, да придонесеме за патишта без жртви“. За таа цел на возачите им беа делени летоци со едукативна содржина и порака - ДОСТА Е! СТОП ЗА СМРТТА НА ПАТИШТАТА!, изготвени во соработка со РСБСП и Факултетот за безбедност Скопје.
Секоја година милиони лица во светот го губат животот или се повредени како последица на сообраќајните незгоди. Само во изминатата година, во државата 142 лица го загубија животот во сообраќајни незгоди, додека 7.156 лица беа повредени.
Мисијата на ОБСЕ во зајакнување на соработката меѓу полицијата, општината и ромската заедница
Ноември 17, 2025ПРОДОЛЖУВА ЗАЈАКНУВАЊЕТО НА ДИЈАЛОГОТ МЕЃУ ПОЛИЦИЈАТА, ОПШТИНАТА И РОМСКАТА ЗАЕДНИЦА ВО БИТОЛА
Во Битола се одржа нова средба во рамките на двегодишната иницијатива што Мисијата на ОБСЕ во Скопје ја спроведува за зајакнување на соработката меѓу полицијата, општината и ромската заедница. Настанот претставува уште една важна алка во континуираните напори за градење доверба, дијалог и институционална координација.
Средбата опфати дискусии за два клучни предизвици – малолетничките бракови и домашното насилство – проблеми кои се во фокусот на повеќе активности спроведени во текот на 2024 и 2025 година. Учесниците ги разгледаа најновите сознанија од работилниците и теренските активности во рамките на иницијативата „НЕ за малолетнички бракови“, спроведувана со поддршка на СВР Битола и здружението „Сумнал“. Втората тема се однесуваше на домашното насилство и проблематиката на малолетничките бракови. Вториот дел од состанокот беше посветен на прашањата од областа на безбедноста на заедницата, односно негувањето на односите полиција-општина-заедница.
Градоначалникот Тони Коњановски се заблагодари за силната поддршка и успешната соработка со Мисијата на ОБСЕ и посочи дека активностите придонеле за значајно унапредување на односите меѓу институциите и ромската заедница.
„Мисијата на ОБСЕ во Скопје во изминатата година организираше повеќе настани кои ги обединија претставниците на ромската заедница и полициските службеници со цел да се изгради меѓусебно разбирање. Европската унија го поздрави формирањето на работната група во Битола, што значително придонесе за унапредување на односите и инклузијата. Како општина, горди сме што активно работиме на десегрегација во образованието и создавање еднакви можности за сите деца,“ истакна Коњановски.
Мисијата на ОБСЕ ја потврди подготвеноста да продолжи да ја поддржува Битола преку интервенции со брз ефект и стратешки активности.
Тинејџерка вперила оружје кон братчето и објавиле на социјалните мрежи, оружјето било на таткото
Ноември 15, 2025СВР Битола информира - На 14.11.2025 во 13:00 часот во с.Јакреново, крушевско, полициски службеници од ОВР Крушево од Ф.А.(44) од с.Јакреново одзедоа ловечка пушка, ременик и дозвола за поседување оружје. Имено, претходно беше пријавено дека на социјална мрежа беше објавено видео на кое се гледа дека 15-годишно девојче вперува огнено оружје кон главата на својот 11 - годишен брат. По преземени мерки беше утврдено дека настанот се случил во неговиот дом и беа направени консултации со јавен обвинител, оружјето е одземено и по целосно документирање на случајот против Ф.А.ќе биде поднесена соодветна пријава.
Најчитани
