на која беше отворена 36 Светска изложба и беа доделени диполоми на младите ликовни твореци од сите страни на светот  Пред платото на „Малиот Монмартр“ во Старата битолска чаршија синоќа имаше свечена атмосфера со многу гости кои уживаа во забавата и традиционалниот огномет.

Годинава на ликовниот фестивал во Битола учествуваат преку сто и десет гости од 16 земји во  светот,  ученици и ликовни педагози од Русија, Тајланд, Романија, Кина, Турција, Србија и од Украина кои од денес до 30. мај со боица и четка во раката ќе сликаат во Битола и Охрид.

-Првиот работен ден на учесниците на ликовната колонија ќе се реализира на Широк Сокак, во Старата битолска чаршија, како и низ битолските маала каде традиционално младите ликовни творци се инспирираат и ја сликаат староградската архитектура. Но, денес, учесниците на фестивалот го одбележуваат и патрониот празник на детското ликовно студио „Св. Кирил и Методиј“, истакна Коста Хаџиантоновски, раководител на детското ликовно студио „Св.Кирил и Методиј“-Битола .

Тој додаде дека во Битола ќе се слика и во наредните два дена, а во недела ликовниот караван ќе престојува во Охрид каде младите учесници ќе сликааат мотиви од старата охридска архитектура,

Меѓународната ликовна колонија „Мал Битолски Монмартр“ завршува на 30. мај со прогласување на најдобрите учесници на ликовниот фестивал.

Хаџиантоновски, кажа дека годинава е задоволен од добиените финансии од Министерството за култура и од помошта од општина Битола. Станува збор за околу 700 000 денари од Министерството за култура за неколку проекти.

-Јас сум задоволен за финансиската конструкција, четири проекти влегоа во програма на Министерството за кулура, и поради тоа сум навистина радосен. Исто така и градот ни помага и ќе ни помогне доколку имаме проблеми со финансирањето, зошто досега 11 години ја немавме поддршката од Општината, рече Хаџиантоновски.